عتـــاااااااب الى حبيبي



تعال الزمني بيدك واطفي نار الشوك


بلكت من اشوفك تسكن اللهفه


تعال امسح احزاني اوعيدني السلواي


ترة البسمه ابغيابك هجرت الشفه


مشحوف العمر بعدك ولاه الروج


والماي اعتناله اولاعب الجفه


تعال اوجيب عمري الذايب ابطرواك


يمن بعدك منيه اوشوفتك وصفه


موتدري العثك من تكصي بيه الريح


حدرة اتكوم ترجف غيرة السعفه


تعال امسح جرح ملجوم من اسنين


عفه جرح الفراك الماوكف نزفه


تعال اوطف جمر نشّف لهاة الماي


هم سامع جمر بالماي مايطفه


نبته امن الهرش عاصرهه جف الموت


روحي اومن تشوفك بالعَجل تشفه


اخافن ماتجي واتعوفني ابهالحال


وابكلبي المواجع تسهر اوتغفه


اعاين عالصور واشتم عطر طرواك


واسرج مهر ليلي ابكمرة الوسفه


تعال اوخلني اشوفك موذبحني اشتاك


غزة حضني الصليل اومابعد يدفه


انخبط ماي النواضر والجريب ابعيد


ياماي النواضر هم بعد تصفه


احلفك بالوكع فوك النهر عطشان


وابعينه السهم واعله الارض جفه


ارجع ولو لحضه اوضمني بالذرعان


ترة عين الليالي ابغيبتك صلفه


ترة عين الليالي ابغيبتك صلفه


مودتي
منقوووووول
واليك الرابط التالي للاطلاع علية لاهميته:
http://www.alforat.org/showthread.php?t=22548 (http://www.alforat.org/showthread.php?t=22548)

احلفك بالوكع فوك النهر عطشان

وابعينه السهم واعله الارض جفه

ارجع ولو لحضه اوضمني بالذرعان

ترة عين الليالي ابغيبتك صلفه

عجيب محد راد على هذه القصيدة الجميلة


تسلمين رشا على هذا الانتقاء الرائع

تقبلي مروري

تحياتي

تعال امسح احزاني اوعيدني السلواي

ترة البسمه ابغيابك هجرت الشفه

مشحوف العمر بعدك ولاه الروج

والماي اعتناله اولاعب الجفه
..........................
صح السانك عزيزتي رشا..
انتقاء رائع..
بس يمته نلاكي اليمسح الدمعة
بس احزان دوم تغازل الشفة
دومك مميزة اتمنى لك التوفيق
ارجو كتابة منقول للامانة الادبية؟؟؟؟؟؟؟؟؟؟

الله الله عاشت ايدج وصح لسانج ياورده
مبدعه وربي
اتمنالج الموفقيه ومزيدا من الابداع
ام علاوي كانت هنا

مشكورة عزيزتي على الانتقاء والنقل الجميل
تحياتي الك مريت من هون