بسن الله الرحمن الرحيم
السلام عليكم




العشرين



من يوصل الحدنة يصير بيه الظيم
واذا مسنة الليل انهد احن ليله
احنه البل كلافة عكل ولد عكال
وزلمتنه الوكفه تشهد ليه والحيله
احنه البالمضايف جمر للدلات
وطعم الهيل من غترتنة اخذ هيله
علمنه الزلم متهاب من الحروب
وخله اللي تعافه بجاهة وبخيله
اليوكف عالارض دائما هوة يفوز
وتوكع عالارض من ضربة الكحيله
وعلمنه الفشك مو معدنه الينهاب
مسحاتي تصده ورمل ترميله
وعلمنه التفك لا ماتزف بالنار
مو ابن الجنوب التكتله الجيله
احنه البالعراضة الكاع من اتهاب
لذلك مالت ويانه كل الميله
وعرفنة المسة ميهزنة بالظلمات
واذا نجمة تعالى انكص احن ذيله
بالعشرين امس خطت ذهب الحروف
عن صولت زلم بالهور ورميله
تسولف بينه احن كل سوح البميسان
وغريب ان وصل ذي قارنا التحجيله
امس طيار اجه بس مادرة الطيار
العراقي يغرك الطايرة سيله
امس هبت تفك ماتدري احنه النار
وحديد ان وصل ماع وطاح ياويله
فالة وتفكه قارن بين هذا وذاك
ومكواري ودرع اشلون اقارنهن
معقولة الدروع تطيح فوك الكاع
لو مرة انه بمساحتي اضربهن
فلح بس مو فلح وجيت شجري بنار
وبستاني يبس بأشجارة اخضرهن
لان جانه العدو مايدري وش تالي
دووس فرشنه وكل نيته يسحكهن
وكف ليه المضيف وصار جنه انسان
وضربات حديد اعليه سددهن
علمنه البو ناجي اشلون عدنه ازلام
وعدنه حيول بس احنه نتحملهن
هاي الكاع مريم ما يمسهة انسان
واليعتقد حتى افكاره احركهن
انولدنه احدنة بأرضنة الطاهرة العذراء
ومثل عيسى معاجز عدنه واكبرهن
اذا ظلمة الليالي والسماء سوداء
بس ترمش العين اشموس تشرقهن
عدوي الماعرف شنهي انه بين الناس
اجه البيوت اهلي برجسة نجسهن
واجه يغتصب امنه وما درة ببغداد
ام شعلان اصلهة وامهم وامهن
امس عشرين جدي سوة بيهة امجاد
وهسة امجاد شعلان ارد اجددهن
عله اعدائي المسوا اشواك في هالكاع
وحرام اشواك نصف الورد نزرعهن
خلة نشد حزم خله بينه رفعة راس
مثل حسين لو فوك الرماح الروس نرفعهن
ونوكف مثل جدنة بساحة العشرين
والجيوش الاجتنة مكدرة نردهن

وعليكم السلام ورحمة الله تعالى وبركاته

هي خصال متجدره منذ أزل رائحه العروبه تفوح منها وشيمة الرجال في الدفاع عن الارض الأم
وعفه النساء ووقارهن

وصف فاق التصور صوره عربيه عامه عراقيه خاصه
تقبل مروري المتواضع من هنا
اشجان

لاتسعفني الكلمات فقد تاهت مني امام روعت يراعكم سيدي
متألق دائما
الى الامام ومزيدا من التألق
تحياتي للشاعر الكبير foraten.net/?foraten.net/?foraten.net/?foraten.net/? الشويلي
مرت من هنا ام علاوي وشدها الابداع

foraten.net/?foraten.net/?foraten.net/?foraten.net/? الشويلي ما ادري شكول بس اكول والله والنعم من اهل ثوره العشرين والنعم من اجدادك الابطال اللذين خضرت الارض بدمائهم الزكيه
اين نحن من البارحه ؟
سوال يفرض نفسه
مع ارق التحايا من اخوك الدراجي