يابلاد الموت موبسك عويل
هذا وضعك مووضع متبدلة
شنهي ذنب اطفالك الحلوة تموت
وياسلاح اعلة الارض حل مشكلة
المقابر قبطت ماظل مكان
ولابقت دمعات بعيون الملة
الشوارع خالية ومليانة خوف
وحشة ليل انهار حل بيهه البلة
يابلاد الموت انطينة مجال
شنهي عزرايين بس بينة ابتلة
اليطلع من البيت مايرجع محال
احتمال اتشوف راسة ابمزبلة
كلي شنهي الوصلك هذا القرار
وياشريف اليوم وضعك يقبلة
ليش ناسك هجت وعافت ديار
ومنه عملت موعمايل موخجلة
ومنهه كامت هالوكت تطرك بيوت
ومنهه جزعت نصهه هاي امكبسلة
وناس تشفط من تنام اعلة البخيخ
وناس اشوفن عالسراب امسربلة
وعالمناصب ناس تسحك عالضمير
ماترعف الزين موكلمن اله
خل نجمعة النفط ونبدلة بامان
ونبقة نطبخ عالسعف مومشكلة
وبالرصاص اطفال تلعب هذا ليش
شنهي كلي هون كوك امعزلة
كوم جيب الحبز لطفالك تلوع
شنهي كلي الجاع حو انوكلة
ليش هذا ايصير يااجمل عراق
كوم ادعي القالقك بالبسملة

كلام رائع وعاشت ايدك رائعه تلك القصيده
يقال عن العراقيين ( يستبقلون الرئيس بالتصفيق والهلاهل ويودعونه بالقنادر )
بارك الله بيك جزيت خيرا

وناس تشفط من تنام اعلة البخيخ
وناس اشوفن عالسراب امسربلة
وعالمناصب ناس تسحك عالضمير
ماترعف الزين موكلمن اله
..........................
شكرا" لك اخي كريم تمتعنا انت دائما" بروائعك
اتمنى لك دوام التواصل..ولا حرمتنا طلتك البهية

ليش هذا ايصير يااجمل عراق
كوم ادعي القالقك بالبسملة

اسم الله على اسمك ياعراق
رائع ياكريم
قصيدة ادمت القلوب
اعانكم الله وفرج عنكم هذا البلاء
لاحرمنا مدادك الراقي
وهذا الإبداع

انا بانتظار جديدك

دمت بحفظ الله
مع تحياتي لك

قصيده راائعه اخي الكريم بس حزينه
وان شالله يعود الفرح والامان للعراق باقرب فرصه ياارب

تحياتي الك يابوforaten.net/?foraten.net/?foraten.net/?foraten.net/? السلطاني

سلمت لنا ومااروع مكتبت من حس جياش

بالحاسيس الوطنية