يصاحب لاتظن مسرور بعداك
وعسى سم الزهر يندار بعداك
شيطفي الكلب من نار بعدك
يطفيها الوكت من ترد ليه


صرت دم المشه بداخل وريدك
ومثل متريد مشيني وريدك
فراكك حيل مرمرني وريدك
على جروحي تدوس بلا خطيه


وحشه الدنيه ما تسوه بلاياك
واحبك حتى لو كثرن بلاياك
شلون الدومنه العبها بلايك
وانه الدوشيش ميت بين اديه


عليك الروح ملهوفه وشرهه
واترك نية التكره وشرهه
دمعتك طشهه بجفوفي وشرهه
لأن دارك دليلي وموش اليه


حبيبي شلون حالك وصفه اليه
عوف الناس كلهه وصفه اليه
مريض وصرت انت وصفه اليه
من اشوفك كل مرض مايبقه بيه


تحياتي

ارجو الإطلاع على هذا الرابط للأهمية

http://www.alforat.org/showthread.php?t=22548 (http://www.alforat.org/showthread.php?t=22548)

شكر اخي هادي لهذه الابوذيات
هل هي بقلمك ؟
تقبل مروري