أنثى شرقية
01-09-2009, 12:55 PM
امي صوت العافية وحرز الجتاف.. وخيط شيلته علك للمالة طب
ابد ماجانت بشر كبل الوجود.. وهية يوم الصارت انولدت درب
امي برحي وعود مسواك وحرير..وامي ديوان الهلة وصدر الرحب
وجان بيها يلوذ حتى المايخاف ..ويعشك اسوالفها حتى المايحب
غيرها اتهلهل تحشم بالنزاع.. وهية رهمت ساتر وتفكة بحرب
وجانوا يغنون لولتها الزغار.. ادموعها اتردد وراهة وتنتحب
مرة شتلت نخلة بااطراف النهار... استحة الليل اعلة ديرتنة يطب
تنصب اشباج المودة بكل مجان..مومهم اتصيد غايتها النصب
امي مريم صار عيسى الها العراق.. بخشبة الارهاب حتما ينصلب
امي لورشحت عضوة برلمان..الكصب والهور يطلع ينتخب
وابد ماتحتاج دعم ولابيان...الغيرة والحـنية تشكل حزب
درس الاسلامية من عدها خذوها.. حافظة القران كله اعلة الكلب
واذكر باول سنة مر الحصار..وجان موسم عدنة نحصد بالشلب
عطش كل السنبل وحبة استقام..يدنك السنبل لون امي تطب
ويشبك المنجل حزن جف امي جان..الباث ينكث روحه بس سنبل يصب
روح خضرة وخلك سباحة تصير..حضرة يم شباجها يطيح الذنب
ابصدرها اتشيل خارظة الحنان... وبكلبها اتشيل طيبة كل كلب
نجذب اعليها وتسامحنة وتكول..يمه معذورين وتصدك الجذب
امي قانون المحنة بكل زمان... امي بالدستور لازم تنكتب
منقوول
اهدي هذه الكلمات الى امي الحبيبه ربي يشفيها بحق هذا الشهر العظيم
واتمنى من اخواني وخواتي الدعاءء لها
تحياتي لكم
ابد ماجانت بشر كبل الوجود.. وهية يوم الصارت انولدت درب
امي برحي وعود مسواك وحرير..وامي ديوان الهلة وصدر الرحب
وجان بيها يلوذ حتى المايخاف ..ويعشك اسوالفها حتى المايحب
غيرها اتهلهل تحشم بالنزاع.. وهية رهمت ساتر وتفكة بحرب
وجانوا يغنون لولتها الزغار.. ادموعها اتردد وراهة وتنتحب
مرة شتلت نخلة بااطراف النهار... استحة الليل اعلة ديرتنة يطب
تنصب اشباج المودة بكل مجان..مومهم اتصيد غايتها النصب
امي مريم صار عيسى الها العراق.. بخشبة الارهاب حتما ينصلب
امي لورشحت عضوة برلمان..الكصب والهور يطلع ينتخب
وابد ماتحتاج دعم ولابيان...الغيرة والحـنية تشكل حزب
درس الاسلامية من عدها خذوها.. حافظة القران كله اعلة الكلب
واذكر باول سنة مر الحصار..وجان موسم عدنة نحصد بالشلب
عطش كل السنبل وحبة استقام..يدنك السنبل لون امي تطب
ويشبك المنجل حزن جف امي جان..الباث ينكث روحه بس سنبل يصب
روح خضرة وخلك سباحة تصير..حضرة يم شباجها يطيح الذنب
ابصدرها اتشيل خارظة الحنان... وبكلبها اتشيل طيبة كل كلب
نجذب اعليها وتسامحنة وتكول..يمه معذورين وتصدك الجذب
امي قانون المحنة بكل زمان... امي بالدستور لازم تنكتب
منقوول
اهدي هذه الكلمات الى امي الحبيبه ربي يشفيها بحق هذا الشهر العظيم
واتمنى من اخواني وخواتي الدعاءء لها
تحياتي لكم