خدك من تراب حسين تربه
وشبجك مايصيرابغيرتربه
بالك لاتصلي ابدون تربه
يفيدك غاد عطرابن الزجيه
--
حبيبي من تفاركني منهلك
اخذروحي اجزعت منك منهلك
ادري الصوج مومنك منهلك
يريدونك غصب تبعد عليه
0000000000000000
احبك رغم كل لوله ولوله
جفي اشثكر هز مهدك ولوله
العواذل من رحت عنه ولوله
كلهه اتحاشمت ضدي عليه
000000000000000
حملك جنت اشيلنه ثنيته
وعودالشايلك مالك ثنيته
وحشه اخلافك وتصغر ثنيته
يمته اتعود ياسعدي اليه
0000000000000000
يمته اتعود ياولفي ولك لي
ابشرابي مااحس لذه ولكلي
يبدرالمابعد تلمع ولك لي
كطعت الزاد ماظلت شهيه
0000000000000000
كطعت الزاد يالذت شرابي
دهري باعني اخلافك شرابي
منك ايست كلي شرابي
حته الدرب ظل يربي عليه
0000000000000000
هوالمارعه عهده ولاهم
الحمدلله ماطول ولاهم
راح السهرراح المرولاهم
وله ومايمرذكره عليه
مع تحيات
ذياب الخزعلي

يمته اتعود ياولفي ولك لي
ابشرابي مااحس لذه ولكلي
يبدرالمابعد تلمع ولك لي
كطعت الزاد ماظلت شهيه


ابوذيات مميزة

بارك الله بيراعكم

ننتظر الجديد

اخي ذياب ابوذيات في قمه الروعه ولا تحتاج تعليق وانا بدوري اهديك هذه الابوذيه طبعا بقلمي



لابن هادي تضل عينأي تربه

وعلى نهجه اخلي الروح تربه

انه السني وجبت وياي تربه

وعليهه اسجد وأموت الطائفية



ان شاء الله عجبتك مع ارق التحايا

تحياتي اخي وعزيزوتاج راسي
سلام الدراجي وتقبل مني هذا
البوذيه
يضحك مبتشروجهه وســـــنه
شيعه ايريد نتقاتل وســـــــــنه
هالقانون من جابه وســـــــــنه
انتقام اعله الشعب صارو اذيه
--------
مشكورعلى ردك المبدع
واحيك واقابلك بنفس الشعور
اللهم ارحم شعبنا

خدك من تراب حسين تربه
وشبجك مايصيرابغيرتربه
بالك لاتصلي ابدون تربه
يفيدك غاد عطرابن الزجيه
--

صح لسانك عزيزي
ودام لنا هذا التميز والإبداع
ابوذيات رائعة
تحياتي لك

تحياتي لكي يامبدعة الفرات
على التواصل والتميز بكلماتكي
المنيره والمعبره بتجاه المشاركين
دمتي لنايا ام فيصل