زمان الجان يزهي كبل مادام


وبجيت عله الخدود الروح مادام


عكبهم كلت اسم الروح مادام


مشوا عني بعد جا شلي بيه؟





مشوا عني شلي بروحي بعدهم


وكت كل غايته عني بعدهم


عيد المايحط جفه بعدهم


حرام انجان يهنه العيد اليه






حرام انجان يهنه العيد ويطيب


ولاجرح البعد يلتام ويطيب


الي بركان حدر الضلع ويطيب


يطك من تمر ذكراهم عليه






يطك من تمر ذكراهم وليراي


الي جانوا نهر عشره وليراي


لهم راي اليفاركنه وليراي


اسير ويّ الضعن ماصح بديه






اسير ويّ الضعن كصدي ولاصاح


بشر لاعدل ظل عدها ولاصاح


حده حدايهم سكته ولاصاح


حده وكطذع بكايه الروح بيه






حده وكطّع غفل روحي منحداه


وعميت وماعرف حدي منحداه


سوه ماكو فرق وحده منحداه


النوايب ذيج بيك وهاي بيه






النوايب دارن وصكن بعدكام


وكضن عشرين من عمري بعد كام؟


كضت كومه من جروحي بعد كام


يمين اجان اداويهن بديه






يمين انجان اداويهن ولاروف


وبعد لا أرحم بحالي ولاروف


تهت لاماي ظل عندي ولاروف


فقط دمع الوجد نهران بيه







فقط دمع الوجد نهران ليلاي


على اللاظم الليلو فوك ليلاي


جذب ماظن تصير بيوم ليلاي


إذا حته آنه صاير موش أليه


إذا حته آنه صاير موش أليه
منقووووووووووووووووول

منقــــــــــــــــول / للشاعر سيف الحلفي

عمي والله كلك شباب ابوذيات رائعه عاشت ايدك ودوم الابداع يارب

ههههههه مشكور اخوي ربي يديمكم شنسوي شياب بس القلب شباب وربك ههههه

حلووووووووووووووة

عاشت ايدك والله ابوذيات رائعة

تقبل مروري

باقه رائعه من الابوذيات
سلمت الانامل اخويه العزيز الشايب
وتقبل تحياتي

حرام انجان يهنه العيد ويطيب

ولاجرح البعد يلتام ويطيب

الي بركان حدر الضلع ويطيب

يطك من تمر ذكراهم عليه



مشكور على هذه الكلمات الرائعه

عاشت ايدك عزيزي
على هذا الإختيار الموفق والنقل المميز
ولاحرمنا هذا العطاء الدائم
مع تحياتي للشايب

مشكوريين اخواني اسعدني مروركم

اخواني اني كلت منقولة مكتبت هاي الي اني

حرام انجان يهنه العيد ويطيب


ولاجرح البعد يلتام ويطيب


الي بركان حدر الضلع ويطيب


يطك من تمر ذكراهم عليه


الله الله الله
تعيش وربي بيوت ابوذيه اكثر من رائعه يا رائع
وروحك ماشاالله شبابيه وانشاالله تبقى شباب وتتحفنا بهيج روائع



كان هنا








شاعر الرومانسيه

منو كال انت شايب عمي شباب وبريعان الشباب