محمد عبود العبودي
30-08-2009, 12:31 PM
مشتهين نصيح صوت يفيض لهفه ونركض الكم
نغلب الصوت النصيحه
ومشتهين نمر على عيون النستنه
طيوف فراشه
اعلى خد الجوري نامت مستريحه
ومشتهين انمد عمرنه بساط لجدام الجفوا
هلبت ترد وتشوف مطروحه الذبيحه
ومشتهين اللـــــــــــــــــيل يكضي بلايا دمعه .
بلايا لوعه . بلايا امال اتعثر نادره وكلش شحيحه
بينه صوت يهز الف تمثال جامد
يكسر ابواب الجفه
ويفزز كلوب النست خلانهه وصارت وكيحه
فرهدت بينه الليالي وجان ناطور العمر متعوب
كل ظنته غفوة ليــــــــــل وحده من التعب تكدر تريحه
ومية شامت حظر طبول الشماته
وريلكم يصرخ بطر
بعناد ما يقبل نصيحه
صرنه تعلولة مضايف . جلمه ملتهه الشفايف ,
سالفه بحلك الفضيحه
وشمعه ماكلهه اللهب وكلوب تنبض بس جريحه
صرتوا ذكرى تعيش بسطور الدفاتر , ورده مرسومه بدمع
مابيهه ريحه
وصرتوا مثل الكان يا ما كان من نحجي ونسولف
والدمع بس ذكريات وجوهكم عالخد تصبه وتستبيحه
كشطت بجلودنه سنين الهواجس
وسرنه بدروب الجفه بكل خطوه طيحه
زرنه كبر وصالكم بجدام متعوبه بسكم .
شفنه حتى وصالكم طايح ضريحه
ردنه ننسى وفكرة النســــــــــيان صعبه
بس تظل عكب الامل هيه الصحيحه
بقلمي
محمد عبود العبودي
نغلب الصوت النصيحه
ومشتهين نمر على عيون النستنه
طيوف فراشه
اعلى خد الجوري نامت مستريحه
ومشتهين انمد عمرنه بساط لجدام الجفوا
هلبت ترد وتشوف مطروحه الذبيحه
ومشتهين اللـــــــــــــــــيل يكضي بلايا دمعه .
بلايا لوعه . بلايا امال اتعثر نادره وكلش شحيحه
بينه صوت يهز الف تمثال جامد
يكسر ابواب الجفه
ويفزز كلوب النست خلانهه وصارت وكيحه
فرهدت بينه الليالي وجان ناطور العمر متعوب
كل ظنته غفوة ليــــــــــل وحده من التعب تكدر تريحه
ومية شامت حظر طبول الشماته
وريلكم يصرخ بطر
بعناد ما يقبل نصيحه
صرنه تعلولة مضايف . جلمه ملتهه الشفايف ,
سالفه بحلك الفضيحه
وشمعه ماكلهه اللهب وكلوب تنبض بس جريحه
صرتوا ذكرى تعيش بسطور الدفاتر , ورده مرسومه بدمع
مابيهه ريحه
وصرتوا مثل الكان يا ما كان من نحجي ونسولف
والدمع بس ذكريات وجوهكم عالخد تصبه وتستبيحه
كشطت بجلودنه سنين الهواجس
وسرنه بدروب الجفه بكل خطوه طيحه
زرنه كبر وصالكم بجدام متعوبه بسكم .
شفنه حتى وصالكم طايح ضريحه
ردنه ننسى وفكرة النســــــــــيان صعبه
بس تظل عكب الامل هيه الصحيحه
بقلمي
محمد عبود العبودي