عندك علم ؟؟؟
محبوبي انته
وطاري لومريت تشيلني الدنيه ابجف فرح
وألف مفتاح للجنه استلم ؟؟؟
عندك علم ؟؟؟؟
لاكبلك ولابعدك .. وغيرك اشحبيت ؟؟؟
ماحبيت !!!
هاويك !!!
ابكلب خالي من الرسم
عندك علم ؟؟؟؟
عشتك !!!!!! عشتك حلم
سراب اوهام تنشاف بس ماتنلزم
وعندك علم ؟؟؟؟
هم تدري ؟؟؟
اكضي الليل سهران افكر بيك مو احسب نجم
ابني روحي صخره ..صخره
واركدهه
اوصل اكبالك وانهدم !!!
من الاكيك ارد اصيحك
ارداحضنك !!!
عبره محبوسه بوسط صدري ...
يمحمر الشفايف ومورد الوجنات
هاك دمي ولهفتي وديوان شعري
من اشوفك ابدا مايلمني الثوب
اطلع من جلد روحي واردلصباي
ارد لايام زغري
واعض اصبع ندم
ماجيت كبل اسنين ؟؟؟؟
من جانت طريه الروح
من جان العمر عمري
جم اوف ابظهرك اجريهه ولاتدري ؟؟؟
ولاعندك علم كل جسمي يرجف بيك
من تكطع طريقي وتبتسم !!!
وعندك علم ؟؟؟؟
كل يوم اسميك باسم !!!
كلي .. كلي ...
كلي اذا عندك علم ؟؟؟
*****بقلمي *****

خير الحب مالم يباح به ...

ارد لايام زغري
واعض اصبع ندم
ماجيت كبل اسنين ؟؟؟؟
من جانت طريه الروح

روووووووووعة سلمت الايادي

عندك علم ؟؟؟
...............يا علاوي ان قصيدتك الهبت مشاعري
فوقفت عندها كثيرا" ..ورددت كلماتها..حتى قلت مع نفسي..روعة..رائعة..ثم صفقت لها
تحياتي الك يالغالي

ماجيت كبل اسنين ؟؟؟؟
من جانت طريه الروح
من جان العمر عمري


عاشت اناملك قصيده رائعه
ننتظر جديدك
تحياتي

عندك علم ضاع العلم قصيده رائعه اخ علي مبدع انت في تعبيرك
وياريت بس ضاع العلم انباع الوطن ويه العلم
ونجماته تبجي بلا ندم
عاشت ايدك وتسلم يبعد الجبد والروح

كلمات حبلى بالألم
تأن من وراء الزمن
ووخز من الحنين وسمته كلماتك


ابو حسين -------------- مبدع انت

مع تحياتي لك

شكرا للاحباب اجمل المرور وعذرا لتاخري في الرد وعن الغياب لكم الود وكل عام وانتم بخير