علي دنياي ضاكت فرهدونة
وموش الغرب منة فرهدونة
الي جانت لكمتي فرهدونة
اخوي وشمت العذال بية
-------
انة القران نهجي مسلماني
ومن سيوف ربعي مسلماني
ولاجنهم يعرفون مسلماني
سفير حسين لهل الغاضرية
--------
ثوبك من تفـــصلة النوب كصرة
اليعيب الناس كون ايعرف كصرة
شجاني ودخلــــــــــت وياه كصرة
تمنيت اكطعت رجلـــــــــــي بدية
--------
من كثرالبواجي اعليك كفيت
جنت اصـــورك وياي كفيت
توزت واليـــــة اردان كفيت
اهد وياك وانتـــــة اتهد علية
---------
ابسجل الــشوك محبوبي مسجلك
اشم ابــــشعرك وزلفــك مسجلك
اشكثر وديـــت ياولـــفي مسجلك
مارديــت ليـــش انتــــة عــــلية
مع تحيات
ذياب الخزعلي

ثوبك من تفـــصلة النوب كصرة
اليعيب الناس كون ايعرف كصرة
شجاني ودخلــــــــــت وياه كصرة
تمنيت اكطعت رجلـــــــــــي بدية

تسلم اخي ذياب ابوذيات روعه وخاصه التي اختاريتهه عاشت ايدك

روعه تسلم الايادي يا مبدع

ابسجل الــشوك محبوبي مسجلك
اشم ابــــشعرك وزلفــك مسجلك
اشكثر وديـــت ياولـــفي مسجلك
مارديــت ليـــش انتــــة عــــلية



ابوذيات رائعة

شكرا لكم على طرحها

وننتظر جديدكم

من كثرالبواجي اعليك كفيت
جنت اصـــورك وياي كفيت
توزت واليـــــة اردان كفيت
اهد وياك وانتـــــة اتهد علية
........................حلوه اقولها لك اخي ذياب
ابو ذيات رائعة..اتمنى لك التواصل

تحياتي لك اخي يا
امـــــيـــــر الاحــــــــــــــزان
انشالله ماكو احزان
تسلملي على الشعورالمشجع
تحيه وعتزازلك على المرور المتواصل

عاشت ايدك عزيزي
باقة جميلة ومعاني رائعة
شكرا لهذا الجود والإبداع

مع تحياتي لك

مروا على كلمـــاتي مــر الكــرام
وصلوا وسلموا على خير الانـام

----
تحياتي وعتزازي لكي
ياقمرالمنير في جدران
المنتدى يا ام فيصل