غشاني الوكت بيك وتركني بليل
مرعوب وخذتني الروحة والجية
حفظت الكاع خايب اثر كل ممشاي
وعلى تراب الارض منقوشة رجلية
وسيلة الحب جعلني بآخر الازمان
وخل افراح حلمي دور عليه
شفت عيني تصب مو دمع جن تيزاب
وشفت صورة شبابي وكلت موهية
تكربست بجلالة شخصك الفتاك
خلاني ارسمك كل المسية
غفت عيني اعلى صدر الآه ثاري الآه
مقهورة وتصب دمعات مخفية
تحسست الآلم من ادخلت للطيف
وشفت جناتي الــ أمحن صحارية
وبقيت بجنتي والكلب هاد ونام
لاجنهة اصبحت حوة وتزل بيه
وخلتني بسببهة انه اترك الجنات
وانزل للأرض مجتوفة ايدية


بقلمي

غفت عيني اعلى صدر الآه ثاري الآه
مقهورة وتصب دمعات مخفية

تسلم اخي ماء السماء قصيده رائعه عاشت ايدك وبارك الله بيك

تحسست الآلم من ادخلت للطيف
وشفت جناتي الــ أمحن صحارية







صح لسانك وجميييل اخي العزيز

ما كتبت وعبرت عنه ومووووفق باذن الله