جلاوي
11-08-2009, 05:30 PM
شمسوين
انفطمنه عللهظم والعوز والحسرات
وفكهنه عللبجي والهم فتحنه العين
وعينه عللكنى والسوق والتجنيد
وعلى الالي ومشاة ونقل والتموين
لكينه امنه جرح ويسوطه ملح العوز
جف بيه مستحه وجف اليدور اطحين
لكينه امنه غموس بسفره اللوعات
ومثل عش المطرويلوج بيه البين
حس مبحوح امنه والظماير موت
وين الكه اخو خيته وين راح الزين
وينه الزين . وينه الزين . وينه الزين
وينه اليدك صدره ويشك صدر البين
لكينا حرمله والشمر والحجاج
ودورنه اشكثر بس مالكينه حسين
لكينا ثور وحشي وغدر ابو سفيان
ولا صادفنه حمزه اليكص عيب البين
لكينه العامري يجعبن عللكوم
يجول عللربع ومدنجه الصوبين
ونعرفه بس علي الي فكس عين الليل
تعبنه من الدواره وماكو ابو الحسنين
لكيناهه الشظايا ويانه بالكاروك
ولكينه التلول اتمرعدت سجين
انجبسنه من القصف واتشعوط البارود
شجنينه وي الوكت ولياهو مطلوبين
المميه مصيبه والحليب هموم
وخرخاشتنه حسره وحيره امتيهين
اسلاك الشائكه دكوهه حبل اهموم
نشر علي عمر مابيه حلوه سنين
مافطمونه اهلنه جذب هذا الكال
من الله خلقنه واحنه مفطومين
حدايقنه مواضع جنه ساحه موت
مسكيه منايا ودمع مظلومين
وره كل جذع خاوي لبد شبح الموت
وشواجير يتدلن فوك غصن التين
رمان اشكثر تارس شليل الكاع
دفاعي لوهجومي شرط علسجين
وقناعات احنه عدنه موقناعه روح
قناعات الوقايه الترسن الصوبين
جم جدول عذوبه ايفيض عد الناس
وجدولنه ضبط بيه الحبس تدوين
مرجوحتنه دمعه ايهزه جف الاخ
تطيح من التعب وينه اليكوم وين
اطفال الناس تلعب بضوه الصعادات
ولعبتنه انفلاق اتفزز الميتين
كلايدنه قرص بس موهويه البيه
ولادم وفصيله بينه دم امنين
وي كل حس قذيفه البيت يهتز طين
ويظل ينخل امروه السكف مال الطين
شمسوين... شمسوين.... شمسوين
(( منقــــــــــــول ))
عزيزي ارجو الإطلاع على هذا الرابط للأهمية
http://www.alforat.org/showthread.php?t=22548 (http://www.alforat.org/showthread.php?t=22548)
انفطمنه عللهظم والعوز والحسرات
وفكهنه عللبجي والهم فتحنه العين
وعينه عللكنى والسوق والتجنيد
وعلى الالي ومشاة ونقل والتموين
لكينه امنه جرح ويسوطه ملح العوز
جف بيه مستحه وجف اليدور اطحين
لكينه امنه غموس بسفره اللوعات
ومثل عش المطرويلوج بيه البين
حس مبحوح امنه والظماير موت
وين الكه اخو خيته وين راح الزين
وينه الزين . وينه الزين . وينه الزين
وينه اليدك صدره ويشك صدر البين
لكينا حرمله والشمر والحجاج
ودورنه اشكثر بس مالكينه حسين
لكينا ثور وحشي وغدر ابو سفيان
ولا صادفنه حمزه اليكص عيب البين
لكينه العامري يجعبن عللكوم
يجول عللربع ومدنجه الصوبين
ونعرفه بس علي الي فكس عين الليل
تعبنه من الدواره وماكو ابو الحسنين
لكيناهه الشظايا ويانه بالكاروك
ولكينه التلول اتمرعدت سجين
انجبسنه من القصف واتشعوط البارود
شجنينه وي الوكت ولياهو مطلوبين
المميه مصيبه والحليب هموم
وخرخاشتنه حسره وحيره امتيهين
اسلاك الشائكه دكوهه حبل اهموم
نشر علي عمر مابيه حلوه سنين
مافطمونه اهلنه جذب هذا الكال
من الله خلقنه واحنه مفطومين
حدايقنه مواضع جنه ساحه موت
مسكيه منايا ودمع مظلومين
وره كل جذع خاوي لبد شبح الموت
وشواجير يتدلن فوك غصن التين
رمان اشكثر تارس شليل الكاع
دفاعي لوهجومي شرط علسجين
وقناعات احنه عدنه موقناعه روح
قناعات الوقايه الترسن الصوبين
جم جدول عذوبه ايفيض عد الناس
وجدولنه ضبط بيه الحبس تدوين
مرجوحتنه دمعه ايهزه جف الاخ
تطيح من التعب وينه اليكوم وين
اطفال الناس تلعب بضوه الصعادات
ولعبتنه انفلاق اتفزز الميتين
كلايدنه قرص بس موهويه البيه
ولادم وفصيله بينه دم امنين
وي كل حس قذيفه البيت يهتز طين
ويظل ينخل امروه السكف مال الطين
شمسوين... شمسوين.... شمسوين
(( منقــــــــــــول ))
عزيزي ارجو الإطلاع على هذا الرابط للأهمية
http://www.alforat.org/showthread.php?t=22548 (http://www.alforat.org/showthread.php?t=22548)