بنت بغداد
بنت بغداد محتــــــــــــــــــــــار بأمرها
انيقة والدلع مرافگ عمــــــــــــــرها
ضيگ حيل مسودني خــــــــــــــصرها
هي المشكلة وحل القضية



بنت النجف
بنت النجف رزنة وحــــنون وهيبة
نور وجنـــــــــــــــــــاتهه التايه يجيبة
موسوعة علم ما تدفع ضــــــــــريبة
تربات المراجــع والمرجعية



بنت العمارة
شسولفلك علــــــــــــــــى بنت العمارة
العاشرهن يبخته طالـــــــــــت عمارة
الوفى دربة عليـــــهن والله ومسارة
كبرياء الهور وصفات الطير بيهه



بنت كربلا
بنت كربلا رقة وحــــــــــــــــــــــــــلاوة
ابتسامتهه خفيفة ومشيــــــتهه بهداوة
لاتعرف جفة لا تــــــــــــــــعرف قساوة
وفى تربة الگاع معجونة بيهه



بنت ذي قار
بنت ذي قار لا تنــــــــــــــــشدني عليهه
احتار الفكر منهه وعليــــــــــــــــــــهه
كل صفـات الحســـــــن مجموعة بيهه
تلميذة مضايف والكرم بيهه



بنت الحلة
بنت الحـــــــــــــــــلة طيبة وطيب زايد
الوجنات الوردة والـــــــحواجب گلايد
نصبن الكل گلب بصري مصـــــــــايد
خد مربى وخد گيمر السدة



بنت الموصل
بنت الموصــــــــــــــل مزيونة وشگرة
بشوفتهه من كل مرض تـــــــــــــــبرة
قطعة من الفرح ضــــحكة ومـــــسرة
اربعتهن ربيع فصولهه هي




بنت السماوة
هايم انه ابنت السمــــــــــــــــــــــــــاوة
هي الغلا وهي الغــــــــــــــــــــــــلاوة
خفيفة دم ومعجونة بشقــــــــــــــــاوة
شاخصة مثل نخلاتهه هي



بنت تكريت
اسألت گالو الحـــــــــــــليوة من تكريت
بنات مدسترة ومنـــــــــــــــورات البيت
الوجنة ضوة والـــــــــــــــخدين جكليت
بنات العز والمرجلة هية



بنت الشمال
بنت الشمال مــــــــــــــــــــجرش جسمهه
مثل الجـــــــــــــــــــــــبل ثابت كل حسنهه
دهوك وسليمانية واربيل يالتسئلني عنهه
تتكاسر بحلاوتهه وية الناصرية




بنت ديالى
بنت ديالى الاصــــــــــــل هي والاصالة
برتقالة بالشــــــــــــــكل وبالعگل فالة
همك صـــــــــــــــــبرهن اتكفل وشالة
بيهه اروع صفة واروع سجية



بنت الانبار
بنت الانبار استاذة بالكرم وتحسن الملگة
شعب طبي وعلاجك يمهــــــــــــــــه تلگة
تجر الروح وتــــــــــــــملي الگلب حرگة
يعونة النزل عدهم وشرب مي منديهه



منقول

مساجلة شعرية على وزن الابوذية
وما يهمنا من بنات العراق هي الضمير الحي والغيرة العربية
خواتنا هنه كلهن طيب ..ملكه ودين..حلو معشر عراقيه
تحياتي الك اخي العزيز

مشكور اخويه على هذه الابيات الجميله وعلى الراس اخواتنه وكلشي المكيول عليهن هذا طبعهن وتلكاه بيهن مو جديده عليهن عراقيات الاصل تاج على الراس وتاج على الراس وتاج على راس كل العذال مشكور اخويه مره ثانيه

شكرا عيني امير على هذا الكلام الجميل عن البنت العراقيه دمت بخير بارك الله بيك

باقة من ابوذيات الرائعة الجميلة وصح السانجك يابنت العراق وفديت اهل العراق كلهم
اخوك::66 (46): ابو سمرة:66 (46):

حبيبي اشعار في غايه الروعة دمت
:66 (46):بخير يخوي الغالي:66 (46):

هو امنين أكو احلى وارق واعذب واحن مــن العراقية...من خلال المساجلة لم ارى توفق
محافظة على اخرى لكن بيني وبينك القلـب
يميل للكربلائية....رائع جدا


توفيـــــــــــــــق

ابيات في غايه الروعه
شكرا لك اخي العزيز الامير الورده
تقبل تحياتي
مع اطيب الامنيات

مشكورين حبايبي على المرور منورين الموضوع
تحياتي الكم جميعا

تسلم ايدك ونعم من اهل العراق وبنات العراق
ربي يحرسكم جميعاااا
تحياتي

مشكوره احلام الورده على المرور
نورتي

رائع جدا جدا سلمت اناملك اخي العزيز وأكيد ماكو مثل العراقية تقبل مروري البسيط مع تحياتي لك

بنت بغداد
بنت بغداد محتــــــــــــــــــــــار بأمرها
انيقة والدلع مرافگ عمــــــــــــــرها
ضيگ حيل مسودني خــــــــــــــصرها
هي المشكلة وحل القضية





الله الله بجد روووووووعة مشكور أخي وسلمت اناملك الذهبية على هاي الأبوذيات الرائعة جدا وتبقى أحلى بنت هي العراقية

شكرا حبايب منورين الموضوع بتواجدكم