شوگ بلا گلب ما ينحسب شوگ
وعليك اليوم كل اعضاي ملهوفه

يل مني رحت وي رمشت العين
انه بعدك صفيت اليوم سالوفه

عفتني بلا سبب لاعذر مشروع
موتدري العذول امحظره ادفوفه

يابير الوفه ياكاتم اسرار
بير اليوم كل اسراره مكشوفه

ماريد اليصبر بيه بجفاك
ولانظرة عطف وي مدة اچفوفه

اريدك ذاك انته الفاتني وراح
وصفت عيني بعد ماتگدر أتشوفه

ذاك اللي ضحكته أتحرك الروح
وعلى المسمع كلامه أيصير معزوفة

اگلك انه بعدك صاير شلون
مثل سمچه عله نار اجفاك مسگوفه

من شوگي الك احضنهه للروح
وذرعاني تظل عالجسد ملفوفه

والنوب الدمع هيجلي الجروح
حگاني وگف طالبني بسلوفه



يجرحي شلون اروفك گلي وتهيد
اذا خيط اليروفك رايد اتروفه

وانته من الالف للياء مجروح
خلص حته الكلام وضاعت حروفه

بحر الصبر ناشف والطريق بعيد
وقارورة صبرنه البيدي مزروفه

اصرخ ياحلم يل مايمر بيك
مو دايم چنت تتنطر اطيوفه

ياشمعة حياتي وسلوت الدار
يل رمشه غطه ومخدتي اكتوفه

تلفت العين لجلك خاطر تعود
اليحب مثلك بشر مايگدر ايعوفه

وطش روحي نذر لو يوم رديت
وحق طف كربله والنجف والكوفه


منقولللللللللللللللللللللللللللللللل


تحياتي

هلا رنا
اليوم جايبتنا اسرار وانفاس ملهوفه تحرك الروح
يسلم هل البوح الرائع يارائعة
تحياتي اختي العزيزة
كوني بخير لنكون..يا اغلى اخت

اگلك انه بعدك صاير شلون
مثل سمچه عله نار اجفاك مسگوفه

ذوق رفيع المستوى
وانتقاء مميز ورائع
سلمت الانامل الذهبيه
تقبلي مروري اختي العزيزة
ولكِ مني ارق التحايا

يجرحي شلون اروفك گلي وتهيد
اذا خيط اليروفك رايد اتروفه

وانته من الالف للياء مجروح
خلص حته الكلام وضاعت حروفه


شكرا لك
ولرقة هذه المشاعر
عاشت ايدج عزيزتي
ولاحرمنا هذا التميز
دمتي بخير وتحياتي لك

تسلمين وعاشت الايادي على هذا الشعر الجميل

دمتي في هذا العطاء
وتحياتي لكي

تسلمين رنا كنت مشتاق لسماع اشعارك الرائعه وها انتي تعودين من جديد بقصيده غزليه جميله عاشت ايدك ودم الابداع يارب

تسلمين رنا كنت مشتاق لسماع اشعارك الرائعه وها انتي تعودين من جديد بقصيده غزليه جميله عاشت ايدك ودم الابداع يارب

جميل ورائع مانقلتي

في منتهى الروعة

تعجز الحروف عن وصف جمال ماخطت اناملكي عزيزتي

تحياتي

مشكور على ذوقك الجميل وبارك الله فيكي

تسلمو

شكرا على روعة ردودكم الجميلة

دمتم بالف خير