تغيرتي
زهت بعيونج الدنيه وتغيرتي
وحله بعينج رسم غيري .....اولاكلتي
وربيتي بين حسراتي... وتدللتي
وخفت اعليج من روحي ... اولا خفتي
وتكبرتي
نمى بجنحج نسل جذاب يفلانه وتكبرتي
ومشيتي بدرب اليشمتون مارفلج كلب ساعه وتلفتي
ولاهمج كلام الناس وبمشيج تعثرتي
وسهرت اشكد سهرت اعليج وانتي بلا كلب نمتي
ونسيتي ولا تذكرتي
نسيتي الجان مثل الطير لو مسج برد تحميج جنحانه
ونسيتي الجان مثل الليل ياما لملمج بذراعه واحضانه
ونسيتي الباع حفنه سنين من عمره ورجع بجدام خجلانه
وصبره ولا صبر مجنون قاسي ويا سجانه
تعب لجلج تعب فلاح خانت بيه كيعانه
لملم كل عذاب الكون بيده وشال شكبانه
ورد بجفوف تعبانه
حسافه اللي تعبنه وياه ينسانه
ربه بفينه وخشن عوده وتكوه وظيم جازانه
هظيمه اللي نشد جرحه يسد بابه اويه ملكانه
ومر مثل الغريب بلا خجل يمنه وتعدانه
وبعد شنكول يفلانه
اذا ظيع حجينه وياج ميزانه
يالطبعج طبع عصفور ينكر كل تعب لو شاف جنحانه
ويالحجيج حجي الدلال اكثر من كلامه يصير حلفانه
واكول النوب هذا انه
البنيت اعليج وسط الروح زنزانه
وطلعتي وخنجرج لليوم ظل مطبوع نيشانه
وهذيج انتي الذليله اللي نص تموز بردانه
ويرد يعقوب لاحزانه
ارد اسحك كلب تعبان تسري النار بكتاره
ارد بروح كلهه جروح كلهه هموم تتباره
ارد خجلان مثل العاش عمره يطمطم بعاره
ودليلي الجان يحلم بيج يغفه ويحلم بثاره
ينام ويصحى تالي الليل ناره توكد بناره
وشجاهه الروح محتاره ؟؟
الرخيص يظل رخيص شما غلت بالسوك اسعاره
ويظل طبع الرخيص هواي تجاره
والخاين يظل منبوذ من اهله ويظل مكروه من جاره
وباجر لاندم ينفع ولا دمعات تتجاره
وكلمن يكشف اسراره
ونكعد نكشف المستور واسلط عالظلام النور
واحط بيدج عذاب وجور
واشوفج جرحج المسموم واثاره
واشوفج حركة المغدور لو يتخاطف اعلى العين غداره
واسولفلج عذاب سنين جنه غيوم مطاره
عذاب يبجي حتى الجان قاسي وكلبه احجاره
وهلبت بالدمع شاره
هلبت ذكرى مرت بيج مره وبيه فكرتي
لجن تبقين ذيج انتي
التعبت شكد اعدل بيج عوجه وما تعدلتي
وتغيرتي
وزهت بعيونج الدنيا وتغيرتي
وحله بعينج رسم غيري اولا كلتي
ت . غ . ي . ر . ت . ي

واشوفج جرحج المسموم واثاره
واشوفج حركة المغدور لو يتخاطف اعلى العين غداره
واسولفلج عذاب سنين جنه غيوم مطاره
عذاب يبجي حتى الجان قاسي وكلبه احجاره
وهلبت بالدمع شاره

الله الله مااصعب غدر الحبيب
سلمت اناملك اخي الصوت الجريح لاعدمناك
ولاعدمنا نزف قلمك الرائع
تحياااااااااااااااتي ولقلبك باقة ورد

ام علاوي

شكرا الى الصوت الجريح وام علاوي على هذه الكلمات الرائعه وبارك الله فيكم

قصيده رائعه
مشكوووووووور أخي الصوت الجريح
دمت بهذا العطاء تقبل تحياتي وحراماتي
الخالدي

كلمات تطرب لها المسامع
وينبض من اجلها القلب
فيا لها من تعابير جارحه
شكرا لكِ اختي العزيزة
على روعه ما قرأت هنا
تقبلي مروري المتواضع
مع ارق التحايا
واطيب امنياتي

مشكوره ام علاوي على الرد نورتي

ملك مشكوره على الرد نورت الموضوع دمت بخير

مشكوره شاعر على الرد نورت الموضوع

حيدر مشكوره على الرد نورت الموضوع تحياتي لك

مشكوره خيتي على هذه القصيده الر ائعه دمتي بخير