حبك بالكلب بسمار مندك
واحس كلبي يسولف بيك مندك
كمت اركض على النقال مندك
لان ادري العزيز اتصل بية
**********************

جمالك حيل يبيض خبلاني
ابتليت وبلوة حبك خبلاني
انة انجنيت بيك خاف بالله اني
انتة شبيك هم مجنون بية
*********************

تعال الروح ناشدهه وسلهة
وغيركل لاتظن همهة وسلهة
لاجلك بالع العيطة وسلهة
دخيلك لا تشح وصلك علية
*********************

تبدى جروح من ايدك والم بيك
نصيح اثنينة الم بية والم بيك
ضليت انتة التلومني والو بيك
سببها اجروحنا الطاحن سوية
**********************

بوسط دلالي نامي وانتي ظلي
وادا حبي ظلاله وانتي ظلي
اشوفج وين اشوفج وانتي ظلي
وادا جوة الضوة تصيرين بية

تبدى جروح من ايدك والم بيك
نصيح اثنينة الم بية والم بيك
ضليت انتة التلومني والو بيك
سببها اجروحنا الطاحن سوية

ابوذيات اكثر من رووووعه

سلمت اناملك يامبدع

مودتىى

اشعار ولا اروع
تسلم خويه

ابوذيت في غايه الروعه
سلمت الانامل
مع ارق التحايا
واطيب الامنيات

بوسط دلالي نامي وانتي ظلي
وادا حبي ظلاله وانتي ظلي
اشوفج وين اشوفج وانتي ظلي
وادا جوة الضوة تصيرين بية

عاشت ايدك ياغيث
باقة جميلة من الأبوذيات دام لنا هذا الإبداع
وننتظر جديدك القادم
تحياتي