> ياحبيبي لاتضن الدهر سرنا
> هجرنا ديارنا وللغرب سرنا
> وحگگ ماظهر للناس سرنا
> لچن دمعي فضحني وعم عليه
>
> اريد ارسل سلام بالجات عني
> واخبر اهلك المادرو عني
> ابنكم كتلني بسهامه وعلني
> واريد الفصل والديه سويه
>
> وك جرى ميك على ميي ولا زاد
> سگيتك من دمع عيني ولا زاد
> ملح الما غزر بعينك ولا زاد
> طلع ساسك رمل وانهدم بيه
>
> گلبي الچان الك مسكن والك دار
> بجفاك الحزن شل حالي والك دار
> الوكت دولاب مل مني والك دار
> وانت والوكت صرتو عليه
>
> كلبي من اول احجايه شعر بيك
> صعب اعرف اعرابك شعربك
> الشفايف عيون طول الشعربيك
> كعدت الليل لو تكبل عليه
>
> انا الما مذنب بحبة وجاني
> زرعت ورود شمحصل وجاني
> اذا ما ذكر عشرتنة وجاني
> على الدنيا السلام وهاي هية
>
>
>
> انا اللي كل وكت كلبي خليلك
> وعجيبة شلون ما ترحم خليلك
> حبيبي السهر ما اريدة خليلك
> لان هو سبب ما صار بية
>
> انا الابيض الك كلبي وصافي
> وقليل من البشر تحمل وصافي
> يزعلونك علي عمدا وصافي
> واضل وياك مهما يصير بية



منقووووووووووووول

گلبي الچان الك مسكن والك دار
بجفاك الحزن شل حالي والك دار
الوكت دولاب مل مني والك دار
وانت والوكت صرتو عليه

حدر وجنات محبوبي دفن دار
أبرنجي أوحدر البرنجي دفن دار
أنجان الشوك مر بيكم دفن دار
أنه الشوك أوياي كل صبح أومسيه


الخالدي

دوم منوررين ياررررررررررررررررب اتمنالكم الموفقييه الدائمه

ابوذيات اكثر من رائعه
سلمت اناملك اخي الكريم
الشايب العراقي الورده
على هذا الانتقاء المميز والرائع
تقبل تحياتي
مع اطيب الامنيات

> انا الما مذنب بحبة وجاني
> زرعت ورود شمحصل وجاني
> اذا ما ذكر عشرتنة وجاني
> على الدنيا السلام وهاي هية

الله عليك
جزيل الشكر لهذا الإختيار المميز
باقة رائعة من الأبوذيات باحساس رائع
دمت بهذا العطاء
ولك تحياتي

الاخ الشاب والله كلك شباب على هذه الابوذيات الرائعه شكرا لك ودمت بخير

اخواني الاعزاء نورتم صفحاتي بكلماتكم الرائعه اتمنالكم الموفقيه ياررررررب