حچي ويايه حرامي من الربع
وچنه ينصح بيه عن كل شي حرام
وهوه بايگ حتى من الله العظيم
عنده ساعه الصوم مو شهر الصيام
سوة نفسه اشگد شريف وما يبوگ
ودوخاني هواي من هذا الكلام



هيچي طگت روحي منه وصحت بيه
بعد ما ارضاها عن الحق انام
يا شريف البوگ واصل للعظم
گلي حلها شلون خل انا افتهم
الفساد استفحل بكل القيم
گام حتى الشارع ايبوگ الرصيف
احنه عكس الناس صرنه بهل الارض
الفقير امثني ببوابه ثني
گاعد اعله ابوابه حارس ما ينام
حتى لا بالليل يطفر له غني
اختلفت الايات عن كل العصور
قبل چان البوگ بس عد حوته
قبل أمن لو تصيح اختي بطريق
يشگ جاري هدومه هوه وخوته
هسه جاري ايتاني يمتى اختي تصيح
حتى لا من اختي لقطه تفوته
قبل چان الفقر شي كلش حقير
وچان منبوذ الفقر من العرگ
هسه لو شافو فقير الاغنياء
ايگوم واحدهم علي يضرب زرگ
لان نفس الفقره شي كلش نضيف
وعنده عزة نفس لمن تساله
ولهذا ايدينه يمسحها بتراب
لان يدري ترابه طاهر بس اله
والغني اشما كبر من اصل الحرام
تلگه حتى بگلبه ناصب مغسله
الذنب مو بينه ..لا..ذنب الدجاج
وهاي ما تحتاج قصه اعريضه
الي باگ البيت ما جا من فراغ
هوه فاسد طالع من البيضه
كلشي ما خلو ابد عند الفقير
منه باگو حتى زل بيوته
وحارو اشضل بعد عنده وما خذوه
وهمه حتى اشتركوا بنص قوته
كلشي ما ضل عنده بس صوته الوحيد
بيده شگو حلگه واخذوا صوته


الشاعر عمار الجبوري:66 (46):

محتاره قصيده رائع تحكي لنا واقع مرير عن هذا الزمان ويسلم الشاعر الحبوري وحياچ الله محتاره

هذه واقع حال دار عللعراق بيه كل أهل الفكر محتاره

أشراح حال الفقير أيكون لو بالغصب راحت داره

قصيده رائعه ومؤلمه
للواقع المرير
سلمت الانامل على الانتقاء المميز
مع ارق التحايا

واقعنا هذه الايام


احسنت الاختيار اخت محتارة


اشكرك:66 (46):

شكراً لكم على روعة مروركم

نورتوا متصفحي

مودتىى

الله روعه هذا الابداع سلمت الايادي
لاحرمنا هذه النفس دام
التالق