مرحباً


اكثر الاحيان اشوف بكل مكان موضوع نازل انه ايميلي انسرق,نسيت الباسورد,خمطوا ايميلي....الخ
وما اعرف ليش تنزل هيجي مواضيع..يعني قابل اكو بالمنتديات فد جني يرجعه لو فد شي؟؟!!


المهم اكو سالفة ما اعرف ليش الكل ميستعملهة الي هي ال"Forget my Password"
لما تسجل في اي خدمة على الانترنت:ايميل,حساب بنكي,حسابات مواقع الخ
يطلبون منك مجموعة من المعلومات الي لازم تدخلها
الغرض من هذي المعلومات مو ان يتعرفون بيك وانما الغرض منها في حالة نسيت الباسورد مالتك
فتكدر تستعمل المعلومات الي ادخلتها من سجلت حتى تستعيد الباسورد او بالاحرى تستعيد حسابك
لانه اكثر الاحيان الباسورد يخزن بتشفير one way encryption
المهم


بالنسبة لايميلات الياهو راح اشرح كيفية استعادة الايميل من خلال ادخال معلومات التسجيل
ولو اني ما احب اشرح بالصور عبالك اكو عند العرب عسر فهم الة بالصور:66 (45): بس شسوي :3::3:


اول شي روح على http://mail.yahoo.com (http://mail.yahoo.com/)
بعدين جوة مستطيلات الايميل والباسورد مكتوب "I can't access my account" دوس عليها
راح تطلع صفحة مثل الصورة هذي:


أضغط هنا لتكبير الصورة , مقاس الصورة الأصلي 903x399 وحجمها 49KB.علي
http://img217.imageshack.us/img217/4959/80442150.jpg


في حالتنا نختار الحالة الاولى وندوس next

راح تظهر النا هذي الصورة:
http://img217.imageshack.us/img217/1448/25729070.jpg


بالمستطيل الاول نكتب الايميل مالتنا وطبعاً بدون @yahoo.com
وبالمستطيل الثاني تكتب الي تشوفها بالصورة الي جواه وطبعاً كل كابتل كابتل وكل سمول سمول
وندوس next


في حالة انه انت مخلي alternate mail (وهو ايميل تخليه حتة في حالة نسيانك الباسورد بمجرد متكتبه راح يرسل الك باسورد جديد على الايميل الي واضعه وبلة دوخة معلومات)
في حالة انه انت ممخلي alternate mail مراح تظهر الك هذي الخطوة وراح تظهر الخطورة الي وراها
http://img217.imageshack.us/img217/5575/92138207.jpg


اذا كنت ناسي الalternate mail اختار ثاني اختيار ودوس next
راح تظهر الصورة هذي:
http://img217.imageshack.us/img217/4420/30182204.jpg


اكتب يوم ميلادك والشهر والسنة
واختار بلدك
واكتب رمز البلد مالتك
ودوس next
راح تظهر هذي الصورة في حالة اذا كانت معلوماتك صحيحة:
http://img511.imageshack.us/img511/227/39472181.jpg


وهو السؤال السري الي اختاريته عند تسجيلك الايميل,اكتب جوابك
في حالة كان جوابك صح راح تظهر الك هذي الخطوة:
http://img511.imageshack.us/img511/1330/87150355.jpg


اكتب الباسورد الي تريده بالمستطيل الاول
وعيده بالمستطيل الثاني ودوس next وهذا هو
مبروك عليك رجعت ايميلك


اتمنى ان يكون الشرح واضح ومفهوم(هم عايزة :هعهعهع
واتمنى انه المواضيع الي تحمل عنوان(انباك ايميلي,رجعولي ايميلي...ألخ) تنعدم
لانه هذي هي الطريقة الوحيدة السهلة الي تكدر ترجع بيها ايميلك


وشكراً
علي العبيدي

شكرا اخي العزيز ابو حسين الورد
على الشرح والمعلومات الرائعة و المميزة
عاشت الايادي ياورد
وبارك الله بك
وتحياتي

هههههههههههههه

والله شعندك سوالف..

الف شكر حبي علاوي
على شرحك الوافي

دائما مميز في اختيار مواضيعك

لك تحياتي يا ورده

ودمت بحفظ الله ورعايته

منورين شباب على المرور
مشكورين يا ورود
تحياتي لكم
اخوكم
العراقي الاصيل