قصيدة الهجر كرار المعذب [الأرشيف]

مشاهدة النسخة كاملة : قصيدة الهجر كرار المعذب

كرار المعذب

10-07-2009, 09:13 PM

اتعذب بفركاك صدكني ماارتاح

ولا يخمد جمر كلبي ونيرانه

ولا كلبي بغيابك شاف الفرح يوم

ولا لحظه التمر وتفرح شفانه

ولا عيني بغيابك شافت النوم

ولا لحظه البيهه غمظت جفانه

بقى بس الدمع يجري من العيون

وعلى الخد ظل اثر نيشانه

كافي ارحمني من البعد مليت

معقوله كلبك حجر ينسانه

مو انته الكلت لحظه ماانساك

ليش بهل العجل تنسانه

موانته الكلت بالكلب موجود

واحس بدكات كلبك انه

موكتلي شلون انته بدوني تعيش

لان دمك بالوريد انه

وسلمتك حبيبي روحي بيديك

وماحسبت فد يوم تنسانه

ونطيتك حبيبي كلبي بيديك

ونته بخنجرك كصيت شريانه

معقوله انته بهل قساوة وياي

وانه الظنيت طير وانته جنحانه

ومعقوله الغدر عندك اسهل الاشياء

وانه الظميتك ذخر لهاي دنيانه

ترة بدوني انته تايه وبلايه عنوان

انه باب المحبه ومفتاح عنوانه

معروفه البلابل من تهج وتروح

مسكنهه الشجر وتنام بغصانه

حبيبي انته ولا تظن يوم انساك

لان شريان انته وعندك دمانه

مخلص كلامي ابقى اني اهواك

طول العمر حتلو تنسانه

طول العمر حتلو تنسانه

بقلم الشاااااعر

كرار المعذب

http://www.up-00.com/oqfiles/j6Q86603.jpg

محتاره

11-07-2009, 09:55 AM

اتعذب بفركاك صدكني ماارتاح

ولا يخمد جمر كلبي ونيرانه
ولا كلبي بغيابك شاف الفرح يوم
ولا لحظه التمر وتفرح شفانه

كلماتـ اكثر من راااائعه

صح لسانك يا مبدع

وبأنتظار جديدك

مودتىى:66 (46):

محمد السوداني

11-07-2009, 01:39 PM

ونطيتك حبيبي كلبي بيديك
ونته بخنجرك كصيت شريانه
معقوله انته بهل قساوة وياي
وانه الظنيت طير وانته جنحانه
...........................

صوره شعريه في قمة الروعه
بوركت اخي العزيز وسلمت يداك كلك ذوق يارائع

تقبل تحياتي وتقديري

متابع لجديدك:66 (46):

الشايب العراقي

11-07-2009, 01:56 PM

بوركت اخي اتمنالك الموفقيه والتقدم ياررب

الشايب العراقي

11-07-2009, 02:00 PM

موفق اخكلمات جميله فعلا اتمنالكع الدائم ياررررب