شوفوا هاي العبارات العراقية وشنو معناها

(تريد الصدك لو ابن عمه): مقدمة لكذبة من الحجم العائلي

(ومااطول عليك السالفة ): جملة محشورة داخل قصة يزيد عدد كلماتها عن 100000000كلمة..

(ومانشوفلك إلا ..).. يعني موسيقى تصويرية قوتها 7.9 على مقياس ريختر لقصة سخيفة

(وما كذبت خبر ): عبارة لنفش العضلات وبداية لكذبة ورسم بطولات ما حصلت إلابالخيال..

(انت بعدك متعرفني زين): تقال عندما يشعرالمتكلم انه تبهذل وانمسحت كرامته بالكاع

(الله يستر عليها): تقال بعد نهاية كل قصة تم فيها نشر جميع بنات المنطقةوصديقات بنات المنطقة عالحبل..

(والله مكانك خالي وتمنينا تكون ويانه): تقال لحرق أعصاب المستمع واذلال شعوره..

(بس انت بصراحة يعني لاتزعل مني): مصطلح يهيؤك نفسيا لسماع مسبةولكن بطريقة مؤدبة.

(أني والله ميهمني): تدل على اهتمام المتكلم حتى الموت بالموضوع..

(هسه شعلينه احنه ): نهاية الحديث البايخ الذي كان يتكلم فيه على غيره بما لايخصه..

( الله كريم و ان شاء الله مااقصر وياك ): (بعبارة أخرى.. انسى الموضوع..)

( بس لا يروح فكرك بعيد): يعني سوي نفسك مسمعت كل البلاوي ال حجيتلكياها..

(والله لو ادري ولااعوفك): عبارة لتحميل منية ببلاش فوق الهم الأكله..


هسه انتو ياهو من هاي صارت وياكم؟؟؟

ههههههههههههههههههههه
شكرا سومة على الشرح ..انا هسة بس عرفت معاني هالعبارات ...و اللي يقولها قدامي اني كاشفته

عاشت ايدج سومة على العبارات هوة عود احنة عراقيين بس بالاسم ونص هاية الكلمات منعرفهه .

هههههههههههههههههه بنوتة اي مو هواي عايشين خارج العراق هالناس نست هواي من الكلمات وهيج سوالف
بس ولايهمج راح نتعلم سويه
يسلموووو عيني على المرور

شكرا على الموضوع الحلو يا سومه

ومراح اكَول الي صايرات وياي

اي لا تكول خليهن سر
هههههههههه
شكرا عالمرور

ههههههههههههههههههههههه
عاشت أيدك سومة موضوع {خفيف ع المعدة}لعد سامعة بهاي مال خفيف ع المعدة؟؟؟ أو {ترة آني کلشي محچيتلك...مو تنسی وتجيب أسمي}هاي من واحد فتان يريد ينقلك أشياء واحد حچاها عليك،ويجوز کلشي مابيها بس هو نقللك ألي هو يريد ينقلهن ويخلقلك مشکلة؟؟؟
تحياتي لك ولموضوعك الجميل