اريد احجي الصراحه وارظو بالمطروح
ومو قصدي اللواكه وهاي كايلهن
اسف يا ولد صح انتو تاج الراس
بس ذن البنات التاج شايلهن

**

لتغرك حلاتك عيب الغرور
او لتضل تتبع اهواء نفسك
او لاتحجي بتكبر بالك وياي
صح انت كمر بس انا شمسك

**
ياهو الكالك بيك اني مجنون
او ياهو الكالك ماكو بمثالك
قبل لتروح خلي اتراهن وياك
من باجر احب عشرة ابدالك

**

يت اشرب لكيت الماي عطشان
ويركض عالسراب ويه اليركضون
اذا ضنيت اردلك انت غلطان
يا دمعه الرضت ترجع للعيون؟؟؟؟؟

**
طبع نمر وغزال اتجمعن بيك
وسبحانه الجمع رقة بشراسه
الناس تكوم تحرس من يجيهة الليل
.. وانتة الليل يلزملك حراسة

اخي مصطفى الفرات قصيده رائعه وعاشت ايدك بس اكتب اسمك تحت القصيده للامانه الادبيه ودمت بخير

عاشت ايدك وصح السانك قصيده رائعه بوركت اخي العزيز

تقبل تحياتي ودام لنا انتقائك الرائع والمميز

رودكم نورت الصفحة وشكراً الكم
اخ سلام الدراجي (اني مو شاعر ويمكن اغلب القصائد الي انقلها للمنتدى الغالي اكتب تحت الموضوع منقول ) بس اعذرني لان دايخ اشوية ومن زمان مداخل للمنتدى
تحياتي اخوكم الفراتي

كلمات رائعه
دوم الابداع ياربي

صح السانك اخي اتمنالكم الابداع والتواصل الدائم يارب

ااااااااااااااللله كلامات رلئعه قعلا

انشالله الموفقيه اهي