حزني الليل اذا عسعس


ودك باب الفرح وايس
من ثكل المصايب صدري كام يضيك
عفيه اني عليه واكدر اتنفس
ومن ابجي يكون اتطيح مني ادموع
جاظليت انوحن لم اكولن بس
ولوادري السواد يرجع الماشين
جاوجهي صبغته وغير لون البس
تولني علغفله مرادف الطكات
وفرتني النوايب فره المحبس
اتمنه التفوت اتمر عليه اردود


اخاف من الوراهه اتصير اخس واتعس
جنت امشي بمتاهه ومااديرن بال
هسه اني بحماده اجدامي تتحبس
وجنت كلشي اشوف بنص ظلام الليل
شوصرت الظهر ماشوفن اتهمس
شجره انه وهرشهه انشلع من الكاع
ياكسر الظلوع اشلون يجبس

وجنت كلشي اشوف بنص ظلام الليل
شوصرت الظهر ماشوفن اتهمس
شجره انه وهرشهه انشلع من الكاع
ياكسر الظلوع اشلون يجبس

الله عليك يا مبدع
صح لسانك اخي العزيز
لا تحرمنا من المزيد
وتقبل تحياتي

قصيده رائعه وانتقاء مميز بوركت اخي العزيز


تقبل تحياتي وتقديري

اخي جلاوي قصيده مميزه بارك الله بيك بس لدي رجاء اخوي تحت القصيده اما منقول او بقلمي

عاشت ايدك على هذا الإختيار المميز
قصيدة رائعة بمفرداتها واحساسها
شكرا لك عزيزي
وننتظر جديدك
مع تحياتي لك