ركز علوضع ويه اليركزون
وانضر كبل لا تعمه النواضر
بمشاعر ردتك اتشاهدلي بغداد
اذا ما متت ما عندك مشاعر
واريداً كون كل احساسك وياي
اريد احساس كون احساس شاعر
الباكو هلوطن صدكني ميتين
اذن عدلين كل اهل المكابر
عجيبه الناس كام اتبوك بلناس
وعجيب اليوم كام ايبوك باجر
وغداره الخناجر هيه بس صيت
البشر غدار شعليه الخناجر
درينه الحاضر ايكلوله موجود
ما ندري بلما موجود حاضر
واليجبر الخواطر شفته مذبوح
بعد ياهو اليجبرلنه الخواطر
دفاترهم فلوس ودفتري اوراق
وكلت ماكو فرق كلهاً دفاتر
ابني البيت مو كاعد بلاجار
بعد ماريد تبنيلي سواتر
وما ريدنلي خوذه وجعبه وسلاح
ردت رحلات وقلام ودفاتر
واريداً بلسمه اطير العصافير
ماريد بسماي امريكي طاير
واريداً شيعي يسكن برض الانبار
واريداً سني يبجي بيوم عاشر
واريداً نكعد انصفي المواضيع
وبدينه الحلوه خنحل المسائل
وردت شط العرب يصفه منلجروح
ترى السياب ما عايز مشاكل
منقولة

اذن عدلين كل اهل المكابر
عجيبه الناس كام اتبوك بلناس
وعجيب اليوم كام ايبوك باجر
وغداره الخناجر هيه بس صيت
البشر غدار شعليه الخناجر


اتمنالك الموفقيه اخي

مصطفى الفرات انت العراقي الاصيل لهذه القصيده الوطنيه الرائعه عاشت ايدك اخي على النقل وان شاء الله تعود الامور على ما كانت عليه من الالفه والمحبه بين جميع اطياف الشعب العراقي والله يااخي هذا مو طبع العراقيين الشرفاء بس ماذا نفعل للذين لديهم مختلف الجنسيات وبيديهم الامور انا لله وانا اليه راجعون

حياك حياك الله يامصطفى

ونعم القصيد بحق الوطن
وأنشاء الله ينضر كل عراقي
شريف الى بغداد بعين
شاعر كما تقول
دمت لنا ننتضر جديدك

قصيدة رائعه بكل حيثياتها الوطنيه التوجيهيه للتكاتف والانتماء الى ارض الوطن عنوانها العراق اولاً

تقبل تحياتي وشكري الجزيل على هذا العطاء الرائع والممميز

لست من يهوى وينسى
لست خوان العهود
اني انســـــــان محــــــــــب
لست انسان حقود
مازرعت الشوك يومـــــــــاً
وانمـــــــــــــا ازرع ورود
اسقيها من عيني دمعاً وحباً
لا ينقص بـــــــــل يزود
فدائما كلماتكم وردودكم
تخجلني وتجعلني
أحتار ماأكتب في حقكم
وأكتفي دائما بالصمت