الى امي .........



تذكرتج ييمه وصبت العين

والعايش غريب طلابته طلابه

لا خل لا اخو لاصاحب وياي

وتسله بدموعي الغدت سجابه

اتسله ويه طيفج من يجيني الليل

ويتيه الفكر ليليه بحسابه

تمنيتج ييمه هنانه يمي اليوم

وجفوفج تصوغ الجرحي عطابه

مرسوم الوطن يا يمه وسط العين

والبغداد يمه الروح طلابه

حرامي الجان راح واندعينه يروح

بس يمه اجتكم وادم ذيابه

ييمه اعله الوليمه اتنوح هاي الناس

ما تعرف وطن ما تحجي بمصابه

على رسم الفلس اتعوف حتى الدين

وتكفر بالعراق ومايه وترابه

يا يمه السوالف بيه محبوسات

خليني غريب وعايش بغابه

خليني اعله ناري وناري بالدلال

ولو نار البعد يا يمه لهابه

والله الام مدرسة وشنقدمها
حتى لو عمرنا ما نوفيها
بارك الله بيك اخوية ماجد
قصدية رائعة ويارب ينطي لأمهاتنا طول
العمر والصحة الدائمة
مشكور اخوية ماجد على القصيدة


تحياتي



عراقي أصيل

كلمات روعة بحق الام

الف شكر اخوي ماجد

والله لايوجد شي بهذه الدنيا

اعز من الام وحنانها نسال الله ان يجمعنا بها

تحياتي

بصراوي مشاغب

شكرا على المرور
وينك انت
بعثت لك رسالة ولم استلم الرد

قصيده جميله

هل هذه القصيده من كتاباتك او مقتبسه

غريب

يسلمو ما في اعز من الام الله يرحمك يا امي وانتى وابي ويخلكم في فسيح جنانه

الله يخلي الوالدين تاج على راسي ولا يحرمني منهم ويارب اني اشوفهم عن قريب
شكرا عالموضوع

الاخ الفاضل ماجد
كلمات اكثر من رائعة وتستحق التمييز
بالفعل كلماتك آثرت فينا المشاعر حتى البكاء
دام لنا قلمك المميز ولاتحرمنا من جديدك المميز .

من بعد اذنك سوف ادون هذه الكلمات في دفتري الخاص
مع خالص الشكر والتقدير

اخونا الفاضل ماجد مهما كتبت وكتبت فلن يسعني التعبير لتلك الكلمات بحق الجوهره الثمينه
ليرعاها الله ويحفظها من كل سؤ..
وسلمت اناملك وباركك المولى برحمته و ننتظر جديدك الرائع
تقبل فائق تقديري واحترامي لشخصكم الكريم