كتبوا وقالوا كثيرا عن العلم العراقي ولكن لم اجد العلم العراقي الا بكلمات كاظم اسماعيل الكاطع

اترككم مع هذه اللوحه لرسام القصيدة كاظم اسماعيل الكاطع


ماخذ وياي العراق بجنطة ... ما كفت الجنطة
طالعة منها منارة ، وعثك نخلة .... وشعلة من عيون نفطه
وراح نوصل... ذاك حد السيطرات... وذيج ضوايات المحطه

وين أضمهه....
لا هوة كتاب ويخليه المسافر جوة أبطه

الحمد لله... الدنيا ليل..... ونقطة التفتيش سنطه
هاي نقطه ويمها واحد
نقطتين . تلاثة . خمسه
ست نقاط ويمها واحد !!!.... تنحسب مليون نقطه

وصاح مسؤول النقاط بصوت عالي ... هاي ما معقوله جنطه
بصيحته إنزرعت الساحة.... رجال أمن ورجال سلطه
بجرة السحاب شافت عينه نجمه... وطكته ريحة الحنطه
ما لكه غير العلم.... كلي شيفيدك؟
كتله غربه
إحنه غربه
ومن نموت هناك... جا ابيش نتغطه؟
أخذ للجنطه تحيه... وكلي توصل بالسلامه

وهاي أول مرة أفوت بسيطره....
وما أنطي رشوة... وتستعد كدامي شرطه

الله ياعلي والله ادمعت عيوني والله والله هطلن الدمعات هسه حتى احروف الطباعه ماني شايف الف تحيه الك وشكرا للشاعر

الف شكر لك اخي العزيز
وتحياتنا للشاعر المبدع كاظم اسماعيل كاطع
قصيدة رائعه الى حد لا يمكن وصفها
شتقبل مني خالص الود والتقدير
مع ارق التحايا

سلمتم يا احبابي وانشاءالله تنزاح هاي الغمه عن وطننا الحبيب ويرجع العراق احسن من الاول كولوا امين امين امين يا رب العالمين