اسف للانقطاع مشتاق للجميع........

على ثغرك حبيبي بهيده ضعفاي
ولايبخل بوصل ارجوك ضعفاي
اذا يمك نحيل وبان ضعفاي
لو تبعد لعد شيصير بيــــــــه


اجفل من اشوفك ارتجف وسطاك
نحيل وعذب المخلوك وسطاك
لاتكلي ودادي شايله وسطاك
لان لو بيك حن كلبك عليــه


طريح فراش موتي سمعاني
لان حجيّ الموادع سمعاني
جنت شوفه ويشمني سمعاني
مشعول الابو الحاله عليـــــــه


اكف عنه الشماته دافعاني
هظيمه وعن غرامه دافعاني
جسر كلّي كروتك دافعاني
مرجع روحي دافعله بديـــــــــــه


من حبك دليلي شحمل وشال
اخبرك كل دمعها العين وشال
مايقبل الاهي جبتك وشال
لان وياي دكاتك رديــــــــــــــــــــــه




توفيـــــــــــــــــق

مجموعة جميله من الابوذية الجميلة:66 (46):
وكلمات تحمل من التعبير اروعه والمعنى اجمله:66 (46):
صح السانك وعاشت ايدك يامبدع:66 (46):
الاخ العزيز توفيق:66 (46):

تقبل تحياتي واشواقي:66 (46):

الى الغالي والاخ العزيز...محمد السوداني
مرور اكثر من رائع والله مشتاق جدا لكن
الظروف ابعدتني وياربي اتواصل معكم قدر
المستطاع ولو اكون مقلا فارجو المعذرة
اكرر اشتياقي وشكري لمرورك....احترامي
وتقديري لكل الاعضاء ولكل متابع



توفيـــــــــــــــق