علي تلعب واحب نارك ولعبك
واحس كلبي اشتعل ورث ولعبك
شسوي وكل كتر مني ولعبك
وصفت روحي توز روحي عليه




علي دنياي دارت من دراها
والي ماضن تفرش مندراها
وعله بوسط كلبي من دراها
اضن يدرون بس غلسو عليه




قص شماتريد اتقص وناقص
ومد احبال عشرتنه وناقص
ولاصاحب نذل مثلك وناقص
اذا اسلم عليك اشطف ايديه



ياسباح كلبي من حشاكم
وعليه من العواذل منحشاكم
اسب وارجع واكولن من حشاكم
اعزاز ومن اسب يرجع عليه



مما راق لي

اتشرف بيك انا ايضاً سوداني جوابي للابوذي الاول

ابد ما ينحزر لهوي ولعباي
وحس جمر الكلب يسمر ولعباي
ولك تدري شكثر خازن ولعباي
وانه صرف كالمبذر بس اذية

قص شماتريد اتقص وناقص
ومد احبال عشرتنه وناقص
ولاصاحب نذل مثلك وناقص
اذا اسلم عليك اشطف ايديه


مثلك بالبشر ما شفت ناقص
يفيض عليك نهري وتظل ناقص
اريد اوصف حبيبي الصار ناقص
بنذل بذات واطباعه رديه

عذرا لمداخلتي ابو جاسم
راق لنا ما نقلت اخي العزيز
ولك مني ارق التحايا

مشكورين على المرور العطر:66 (46):

الاخ العزيز ماء السماء والاخ الغالي حيدر القريشي :66 (46):
تقبلا تحياتي وودي:66 (46):

الدهر ياصاح بالفرقة ولانه
ولا نوبة انكسر كلبة ولانه
لا انت عرفت الحب ولاانة
ولا أظن بعد نتلاكة سوية

تقبل مني هذه الأبوذية
وعاشت ايدك على هذه الأبوذيات الاكثر من رائعة
تقبل مني اطيب التحاياhttp://www.alforat.org/images/smilies/forat/66%20(46).gif