يمكـِنْ يرجَعْ







تدور الدنيا .. تمرْ أيـّـامْ



و يمكـِنْ يرجَعْ.. فجأة و يطلـَعْ !



و مُمْـكن تتحقق الأحلامْ



و يرجَعْ قائدْكـُمْ صدّامْ !!



ترجَعْ (سَجّـودة) و (رَغـّــودة)



و نرجَعْ أحنا لنفس العُـودَة ْ



و نَفْس الـبُوري و نَفْس (الدُوري)



ما دام (العوجَـة) موجودة ْ



ما تِسْتـَعْدِلْ هاي (العوجَـة ْ)



و بفضلْ الشعب المصطورْ



و حظنا النايم بين كـبورْ



يـِمْكِـنْ يرجَعْ



كـالوا كـِذبة



منـگـاش يوگـَعْ طيـّارة ْ



بالموصل و گـَـعَتْ بحجارة ْ !!



مو طيـّارة .. بس إثنينْ



إبعورة إل بيها .. عيبْ نـگـَـول الطيّـارينْ



و متعودين ْ..



لكفخاته لصدّام حسينْ



هواية مبيّـن مشتاقينْ



لازم چـانو متونسينْ



ترجَعْ ونْسَتـْهُم و تعودْ..



إلچـهْرَتهم ذيــچ البَسمة ْ



و راضين أحنا بهاي القسمة ْ



يمكن يرجَعْ .. بَسْ مِـنْ يرجَعْ



يرجَعْ رَجْعَـة .. و يــِرْگــَعْ رَگْعَـة ْ



نتعلـّگ كـُـلنا ببغدادْ



شيعَـة و كِلـْدان و أكرادْ



بذاكَ اليومْ .. وين يكون الأمريكانْ ؟!!



و الطِليانْ و اليابانْ ؟!!



راح نصير أحنا الخـُرْفانْ



و نرَجـِِِّـعْ نـَفـْس السَجّـانْ



أحنا الشَعبْ الواكع حَظـّـة ْ



و أحنا الشعب البايـِعْ أرضَهْ



و أحنا الشعب إلدايــِمْ يرضَهْ..



بها الجَلاّدْ



لازِمْ يُحْـكُمْـنا(كلمة ممنوعة)؟!!



مشتاقيلكْ يا (ريّسْ) كـُلّ الويلاد..



مشتاقين لنفس اللغوة بكل يوم بنفسْ الميعادْ



بساعة ثمانية و ساعة العَشْرَة ْ



تـُخْطـُبْ نـَفـْس الخُـطـْـبَة الـگـَشْرَة ْ



ساعة السودَة.. يوم إلتـِدْخُـلها لبَغـْـدادْ



يِمْكنْ يرجَعْ بأسرع فـُرْصَة ْ ..



و نـُگـْعُـدْ نِسْمَعْ نـَفـْس القـُصّة ْ



و نحـلـّي الأيامْ السُودْ براياتْ النَصرْ الموعُودْ



بذاك الوَكتْ تفيد الغـَصّة ْ ؟!!

ملاحظة:ناسف لوجود بعض المفردات الرديئة لكنها وردت من شاعرها هكذا

كلمات روعة وانشاءالله مايرجع صدام تشكر اخوي

على القصيدة ومنور المنتدى اخي وياريت تتفضل لمنتدى الترحيب

لنقوم بالواجب كما اقدم اعتذراي على حذف بعض الكلمات

تحياتي لك وتم نقل الموضوع لمكانه المناسب

تحياتي

لاتزعل مني اخي العزيز بس احب اكلك الشعر شعر حب مو شعر سياسة ولف ودوران وتصير مشاكل
هذا يايدك بالموضوع والثاني ضدك
الاحسن والحل المؤيد للجميع مايحتاج سياسة بالشعر
وانت اعتقد تعرف العراقين ماعدهم رئي ثابت

ف اتمنى مازعجتك ومااحب اقهرك
مشكور على المشاركة

وشوفنا جديدك بكل لهفة

تقبل مروري

عزيزتي العاشقة ارجو ان تتقبلي كلماتي هذه ولااقصد التجريح بها

انا الصراحة لم اعرف ماتقصدين بكلماتك التي كتبتيها للاخ الناشر

لان الاخ ذاكر القصيدة منقولة من شاعر ولااعرف ماذا تعنين انها قصيدة حب

وليس لها دخل بالسياسة ؟

فالناس مخيرين بنشر القصائد ان كانت سياسية او غرامية لكن بحدها المعقول

يعني اذا لم تعجبنا القصيدة لانستطيع ان نجبر كاتبها باان تكتب بالحب فقط او السياسة

لان هذه حريات وكل شخص له حريته وحول تعليقك باان العراقيين ماعندهم رئي ثابت

كيف هذا ممكن التوضيح اكثر ودمتم سالمين

عاشت يدك مشكووووووووووووووووور

هو رجعه ما يرجع هاي انتهينه منها

هو القائد حلم وفزينا منا
القصيده فيها حالة العراق والعراقين
بارك الله في كاتبها وناقلها

ولى زمن صدام من دون رجعه

الف شكر الك اخي على القصيده الرائعه

تحياتي

اشكر كل الاخوة على مرورهم واشكر الاعزاء الذين اتحفوني بردودهم كما واسجل عميق اعتزازي للعزيزة عاشقة الغرام على رايها ولكني اؤيد كلام اخي البصراوي فالشعر يدخل في كل مناحي الحياة.