المساعد الشخصي الرقمي

مشاهدة النسخة كاملة : للوالده الحبيبه


محمد السوداني
18-06-2009, 08:35 AM
للوالده الحبيبه




يمنه



گبل مثل الحمامه تحوم..يمنه
وگبل چانت اليّه الايد..يمنه
تحت جدمچ الجنه صدگ..يمنه


ورضّاتچ من رضا الباري عَليه







وراوي



منهم ما ورد طارش ..وراوي
ابو خد الترف مايع ..وراوي
اريد اخذ رسم من وجهه..واراويه


واگل للناس هذا الفتك بيه




وحالك



منهو اللي خبط ماياك..وحالك
ومنهو اللى بگطع وصلّك..وحى لك
عجيبه وغيرت طبعك..وحالك


وصرت اسئل ولا تسئل عليه






ويامر



اليريد الحلو لابد.. ويامر
وحبيب الرووح يتدلل..ويامر
اصيرن نار من يبعد..ويامر


وأرد قالب ثلج لو رد اليه




ينراد



الصبر ايام هيچ اثگال..ينراد
واكلفك خبر البلدار..يلراد
موش انا اللي بوجهي الباب.. ينرد


انا الصبيت بيبانك بديه





وكت لك..



مضى وكتي وبعد عندي.. وكِت لك
ودمعي ماجرى لغيرك.. وكَت لك
اكتلني عالنفط صاير.. وكتلك


الزلم خمسين والنسوان ميه



منقول لعيونكم
حيدر القريشي
18-06-2009, 02:25 PM
وحالك



منهو اللي خبط ماياك..وحالك
ومنهو اللى بگطع وصلّك..وحى لك
عجيبه وغيرت طبعك..وحالك


وصرت اسئل ولا تسئل عليه



بيت ابوذيه اكثر من رائع
دمت ودام هذا العطاء
مع ارق التحايا
ام فيصل
19-06-2009, 06:43 AM
يمنه



گبل مثل الحمامه تحوم..يمنه
وگبل چانت اليّه الايد..يمنه
تحت جدمچ الجنه صدگ..يمنه


ورضّاتچ من رضا الباري عَليه


سلمت لنا اليد التي نقلت هذا الجمال
شكرا لك واكثر
على هذا الإنتقاء الرائع

تحياتي لك -- يامحمد
ستار العزاوي
19-06-2009, 01:17 PM
اشكرك اخي محمد على هذه الدراميات العراقيه الاصيله
ويسلم كاتبها وناقلها.
تقبل تحياااااااااااااااااااااااااااااااتي
محمد السوداني
20-06-2009, 02:22 PM
الف شكر للاخوة والاخوات الاعزاء للمرور العطر وللردود المتذوقه:66 (46):

تقبلوا تحياتي وودي