المساعد الشخصي الرقمي

مشاهدة النسخة كاملة : ابــــــــــوذيــــــــــــــات............


أنثى شرقية
15-06-2009, 12:49 PM
عفينه ولاعرفنه اسباب .. شطاك
وعطشنه وماشربنه ماي .. شطاك
كلي الوهدناك اتخون .. شطاك ؟؟
وشخذ منك ثمن جرمك عليه ؟!

................

اسلم ماترد مالك .. عسلماي
وبيك ايدير من هجرك .. عسلماي
انشدك عن لمى اشفافك .. عسلماي ؟؟
حليب ودرته اشفافك عليه

..............

رماد الود على افراكه .. ولعناه
وكلبنه اشما سكن شوكه .. ولعناه
شلي ببليس اسبنه .. ولعناه
غواني الحب شله الشيطان بيه ؟؟

..............

وهذا بيت كتبته مشتركاً مع الشاعر محمد رحيمة الطائي

مشه والروح غفله .. راودتني
وعليه العين تربي .. راودتني
زليخة بوجه ثاني .. راودتني
عن نفسي وخذت ثوب العليه

..................

كصير الدرب مالك .. ماشعلني
وانا ظنتي ابجهنم .. ماشه عني
طفيت وغير شخصك .. ماشعلني
قيامه لوحدي سويت بيه

.................

متى منياي يحبابي .. سنلها
ويوم البالجفه روحي .. سنلها
دويت ونار فركاكم .. سنلها
وحركت الفزعوا ايطفون بيه

..................

شبيهك بالحواري العين .. يندار
ولجدامك فرشت الروح .. يندار
نذر عمري اعله عمرك كون .. يندار
وشكو عندك علل تندار بيه




منقوول لعيونكم
هاشم نجم
15-06-2009, 01:57 PM
مشه والروح غفله .. راودتني
وعليه العين تربي .. راودتني
زليخة بوجه ثاني .. راودتني
عن نفسي وخذت ثوب العليه
ابيات ابوذيه روعه
موفقه في الاختيار عاشت الايادي
والى مزيد من الابداع
مودتي
محمد السوداني
15-06-2009, 06:36 PM
شبيهك بالحواري العين .. يندار
ولجدامك فرشت الروح .. يندار
نذر عمري اعله عمرك كون .. يندار
وشكو عندك علل تندار بيه


الله الله بيت ابوذية جميل جداً
بوركت اناملك على هذه الباقة الرائعه من الابوذية الجميلة

تقبلي تحياتي وودي
الشايب العراقي
15-06-2009, 08:08 PM
رماد الود على افراكه .. ولعناه
وكلبنه اشما سكن شوكه .. ولعناه
شلي ببليس اسبنه .. ولعناه
غواني الحب شله الشيطان بيه ؟؟





اتمنالك الابداع المتواصل اختي
أنثى شرقية
16-06-2009, 07:20 AM
يسعدني تواجدكم وتواصلكم المستمر ربي يوفقكم ودمتم بالف خير
تحياتي لكم جميعااا
الحب الضائع
16-06-2009, 07:37 AM
اسلم ماترد مالك .. عسلماي
وبيك ايدير من هجرك .. عسلماي
انشدك عن لمى اشفافك .. عسلماي ؟؟
حليب ودرته اشفافك عليه


ابوذيات جميله دام لنا هذا الابداع والتالق

لكي مني اجمل تحي

تقبلي مروري البسيط
ام فيصل
16-06-2009, 06:03 PM
وتسلم عيونج عزيزتي
ابوذيات رائعة
دمتي لنا
ودام هذا الفيض والإنتقاء الجميل للمواضيع

لاحرمنا مدادك ----------- ولك ودي
M_D_N00
17-06-2009, 08:14 AM
أبوذيات جميلة أختيار موفق ننتظر المزيد تقبليها مني
:66 (46):
أنثى شرقية
17-06-2009, 08:45 AM
يسعدني تواجدكم ومروركم المميز
ربي يوفقكم
تحياتي
ماءالسماء
26-06-2009, 11:16 AM
عفينه ولاعرفنه اسباب .. شطاك


وعطشنه وماشربنه ماي .. شطاك
كلي الوهدناك اتخون .. شطاك ؟؟
وشخذ منك ثمن جرمك عليه ؟!
جوابي الك يا ملك


عفيت او ما عرفت اسباب ... شطاي
ولك زمزم وعذبه مياه .... شطاي
بعد شتريد اسوي وبعد .... شطاي
اذا حتة الجرف راح مندية