ذلتني المحبه ودم بجيت النوب
كرهت الدنيه كلهه شلون ذلتني

بجتني اعله حبك سهرتني الليل
وعينك هاي انت بغيض بجتني

ابد ما انسه جرحك وانه الك ممنون
واطباعك تجارب كومه علمتني

بس اصبر علي لازم يجيلك يوم
وتضل تصرخ يناس النار جوتني

ردت بس فرصه منك وارفضتهه شبيك
هاي اعيونك ادري شبيهه رفضتني

مجروح الكلب اسف يكلبي هواي
غيمه وخيمت من الغفل جتني

ابوسك واعتذر ياكلبي شلت اهموم
اقبل عذري مني الدمعه عذبتني

ما ادري الوكت يغدرني ويبجيك
غافلني الوكت وعيوني غفلتني

ماحسيت ابد بطباعه اله اليوم
من ذل حبي اله ومن عينه جرحتني

من سد الطرق وبوجهي سد الباب
من جر كلمته وبحدهه موتني

هسه اتعلمت لكن بعد شيفيد
احس بجروحي روحي .. وروحي حركتني

من كد الشحوب البلوجه مزروع
عرفو حزني كل الناس عرفتني

بعد مارد الك وك بعد شحجي وياك
كل الدنيه الك بس انه عافتني

مليت انه منك حيل وك مليت
ومليت انه مني ومني ملتني

ما اشكيك ابد واشعاري تشكي الصار
منك من قسوتك من تعب متني

كرهتك للأبد وكرهت شعري الراح
عايش بالحزن والدنيه كرهتني

خلتني رمح وبكلبي نابت ليش
جرح نص جرحي وبكل عبره خلتني

زرعتني بأمل .. ماشفت منهه الماي
اذا ما الهه خلكي شبيهه زرعتني

اضل انطر مطر والعمر شو تموز
يعني باختصار الدنيه موتتني
000000000000000000000000000000
اتمنى تعجبكم مشاركتي مع تحياااتي للجميع

واهديها الى اختي الغاليه احلام في الانتظار
منقوول

ربي يبعد الذل عن جميع الناس ياررررررررب

شكرا اخي العزيز رفقا بقلبي الورد
على الكلمات الجميلة و المميزة
عاشت الايادي ياورد
اختيار مميز وراقي وكلمات ووصف رائع
بارك الله بك
وتحياتي

الم وحسرة وعذاب وعتاب وسهر

مفردات من هجر الحبيب ولوعة الفراق

احسنت عزيزي
قصيدة جدا رائعة بمفرداتها واحساسها
دام لنا هذا النبض الحي
وننتظر جديدك --- دمت بخير