علي بطاري اسمك عيون اليتامة تنام
بس يغفن بالمهن والجفن يدمع
يتامه بطونهم مالكت حل للجوع
والمايلكة حل من الصعب يقنع
علي منين ابتدي وانته تعرفهن زين
علي الشباج اسئلة شكد قصص يسمع
علي كون بعهد جنت انته تحكم بي
ترتد العقارب والزمن يرجع
ولو مودوم لو بس ثانية كدما
الايتام الجياع من الخبز تشبع
لان ماتطعم اللكمة بمقابل صوت
ماتنطيهه مرة ومرة لاتجزع
على ماجان الك يد بتجارة ومال
علي عن كل هذني من الذكر ترفع
علي ماخصصت لاجل الدعاية اموال
ماوصيت قنبر بالورق يدفع
علي اعذرني علي بس للسؤال اسباب
علي بره العراق اتملكت مصنع ؟؟
تجل لوهيجي مااعرضت عن كفار
ولاوية ابن عمك بالامر تصدع
علي يم سيفك اتنشز سيوف الغير
ويبين الطافي من الصدك يلمع
علي كون الشعر مووحي بكيفي ايصير
جاكل القصايد بس الك تطلع
وجاماكتب قلمي بغير حبك بيت
الى ان احرف اسمك بالقلم تطبع
علي لومالكينه ورق نكتب بي ؟؟
علي نلكه البديل من الجلد نشلع
علي كون القصيدة الالك بيهه ابيات
علكد مابليلك تسجد وتركع
وكون ايزخ صور غيم الخيال وياي
الى ان كل ورقتي من الشعر تنكع
وماحط بيت بيهه سد فراغ ايصير
الما ماخذ مكانه من السهل يطلع
علي ليك القصيدة غيره بيهه تكون
بس انكلهه بسمك علقلم تفزع
تسمعهه المنصه وتنحني منتشوف
علي بيهه احتراما والخشب يخشع
تتمسى قصيدة لو فقط بس بيت
ماينقصهه تكمل لو بقت مقطع
ماتخضع نقد تملك حصانه شلون
علي موجود بيهه وللنقد تخضع ؟؟
لو يدري علي بيهه غلط موجود
جامن البداية ماقبــــــــــــــل تطلع
منقول

السلام عليك ياباب العلم
السلام عليك ياامام المتقين وقائد الغر المحجلين
السلام عليك ايها الضارب بالسيفين والطاعن بالرمحين

عطر الله انفاسك على هذه القصيدة والإختيار المميز
وشكرا لك ياعمار على هذا العطاء المتواصل
دمت بحفظ الله
وتحياتي لك

شكرا لكي يا اختي الغالي
والعزيزة ام فيصل
شكرا لمرورك الغالي
والعزيز دمتي
سالمة وبخير
يسعدني هذه المرور
وهذه التشجيع
لكي كل الحب
الاحترام
تحياتي
لشخصك
الكريم
:66 (46): :66 (46): :66 (46):