الظلم يعراك مستفحل وشعبيك
شكثر متخلبصه تخلبص وشعبيك
شعوب الدول تتقدم وشعبك
كل ماله يرد للجاهليه



ما من طب يداوي الجرح طب طب
ولا واحد علينه بلطف طبطب
كضينه العمر حرب بحرب طب طب
لعابة طفل عدنه البندقيه



غشيم انه يوكتي صاحبيتك
ويكلبي المابكالي صاحي بيه تك
اخوي الكتله ايدك صاح باتك
غلبته يصيح للشمتان بيه



بجيت عيوني عالراحو وهدبي
واعرفه كليبي مايهده واهدبيه
الحسبته سلاح بالشده وهدبيه
هدو بيه عدواني عليه



من مهدي الحزن وياي طابك
وعلى كلبي بناله اثنعش طابك
فرش جفه وخبزني خبز طابك
واشوف اكالتي التمو عليه
__________________

-
----------------------
------------------
--------------
----------
------
---
-
منقول
تحياتي للجميع

مع تحياتي

ابوذيات رائعه عاشت الايادي اخويه العزيز ولكن لي ملاحظه على الابوذيه الولى


الظلم يعراك مستفحل وشعبيك
شكثر متخلبصه تخلبص وشعبيك
شعوب الدول تتقدم وشعبك
كل ماله يرد للجاهليه

وتحفظ على هذه القفله بالذات فالشعب العراقي هو مهد الحضاره
وما مر به العراق من حروب وظلم ووو قد ترك اثره على البينة التحتيه ولكن الاساس هو الاصل ( من عقلية وفكر وثقافة )
والتي اغنت واضافة الى ثقافات العالم الكثير الكثير وسبب تفرد العراقي بابداعه الفكري هو ما مر به من ضروف ( والابداع الفكري الحضاري يولد في اصعب الظروف وكلما كانت الظروف اصعب كلما كان الابداع اكبر فاابن الباشا فد يحصل على شهادة تخرج عاديه
بينما ابن الظروف الصعبه والذي ( كان يدرس على ضوء الاله ) يحمل شهادة دكتواراه!!!!
وبما انه الاساس موجود فما فوقه يعاد بنائه اليوم او غداً مسألة وقت لا اكثر ولا اقل

تقبل تحياتي واحببت ان اعقب على ما ورد بهذا البيت من الابوذيه

بجيت عيوني عالراحو وهدبي
واعرفه كليبي مايهده واهدبيه
الحسبته سلاح بالشده وهدبيه
هدو بيه عدواني عليه



صح لسانك عزيزي
باقة ابوذيات جميلة
ومعانيها اجمل
دام لنا هذا التميز والعطاء الدائم
مع ارق التحايا

شكرا لك اخ العزيز ...ابو جاسم....

تقبل تحياتي

شكرا لكي اخت ام فيصل على ردودك الجميله

وتواجد في صفحتي يسعدني

لكي مني خالص التحيه والحترام

مع تحياتي