وكع كلبي بغرامك ماتشيلة
ترى كلبي تعذب ماتشيلة
اخابر وانت تسمع ماتشيلة
وينك ياحلو بس رد علية

احلى من البدر يا اسمر وصفناك
ولكل مريض انته الدوه وصفناك
يا حافظ الله يسترنه وصفناك
كلي اشتعل من تصفن عليه
يظل حبك ترى بكلبي
علي دين
وعهد للموت ما انساك
علي دين
ولولا البعد لمشي لك
على ايدين
تفداك الروح ياغالي علية

شفت شمس وكمر يضوي
خلالك
ربك من وجه يوسف
خلا لك
تنحه الحسن عن عرشه
خلا لك
لأن شافك صبح بوكت المسية

كلبي الحبك ابسرعه ورادك
وما عاندك فد مره ورادك
تطير انته وعلي تبعد وردك
اصوفرلك ترد ترجع اليه

هذا اللي لعند اعضاي هد هد
ملهي وابد ماينصاد هد هد
اكله اقرب يقلي ليك هد هد
ارفع مشتهاك اشتظن بيه

الدمع نهران بخدودي كراهه
حبيبي سلب من عيني كراهه
ليش امحبتك صارت كراهه
اشبده مني وتشمت اعداي بيه

الدمع مرات مو بس حزن..يعني
ثكيل وبس عليك الجدم..يعني
على احوالة سألته وكال..يعني
ومعنى اليعني مالك غرض بية
منقول

رائع مانقلت عزيزي عمار
ابوذيات جميلة
واختيار موفق
سلم لنا هذا التذوق
وننتظر المزيد -- تحياتي لك

شكرا لكي اختي الكريمة ام فصيل
على هذه المرور الكريم
هاي شهادة منك اعتز بها
لكي مني كل الشكر والاحترام