الشاعر ماجد الدعمي
21-05-2009, 02:54 PM
سوالف ليل ...
ودمعه اسافر وي الليل
تدوّر عن فرح بعيون
الولايات
وسوالف ليل ..
والضحكه اليتيمه بيا طريق
تبات ..
سوالف ليل وعيونك مواني
معاشرات الليل
وحبيبي مسافر وي الليل
ومدري بياطريق الكاه ؟
الم كل الجروح
اباب وجه الليل
وانشد عن حبيبي الكظه
عمره هنا ...
وادور عن سوالف نايمه بروحي
تشيل اسمه وحنينه
وشوكه وذكراه
وارد اشكي لصديقي الليل
ياليل البعد
مو كافي حبيبي بيادرب
اتناه ...
وحبيبي وين ....؟
سافر واخذ كلشي وياه
تركتني اباب فركه ومن يفك الباب
وانا بروحي القصايد
ينزفن بس اه ..
وسوالف ليل
وجلمات اعله باب الليل
حبيبي السافر وما عاد
هم الكاه ؟
اسولف بيه واتمناه
وارد لليل وعندي عتاب
بلكي الليل يسمعي
ويطرز صفنتي بملكاه !
سوالف ليل ..
وما تخلص ابد والليل
شايل اه ..
عله باب الزمن كاتب حبيبي
اهواه ..
اموت ولا تظني انساه ..
سوالف ليل
وهم تخلص وارد انساه
ابد للموت ما انساه
لان ساكن وسط روحي
حبيبي هنا ..
حبيبي هنا ..
ماجد الشاعر
21/ 5 / 2009
ودمعه اسافر وي الليل
تدوّر عن فرح بعيون
الولايات
وسوالف ليل ..
والضحكه اليتيمه بيا طريق
تبات ..
سوالف ليل وعيونك مواني
معاشرات الليل
وحبيبي مسافر وي الليل
ومدري بياطريق الكاه ؟
الم كل الجروح
اباب وجه الليل
وانشد عن حبيبي الكظه
عمره هنا ...
وادور عن سوالف نايمه بروحي
تشيل اسمه وحنينه
وشوكه وذكراه
وارد اشكي لصديقي الليل
ياليل البعد
مو كافي حبيبي بيادرب
اتناه ...
وحبيبي وين ....؟
سافر واخذ كلشي وياه
تركتني اباب فركه ومن يفك الباب
وانا بروحي القصايد
ينزفن بس اه ..
وسوالف ليل
وجلمات اعله باب الليل
حبيبي السافر وما عاد
هم الكاه ؟
اسولف بيه واتمناه
وارد لليل وعندي عتاب
بلكي الليل يسمعي
ويطرز صفنتي بملكاه !
سوالف ليل ..
وما تخلص ابد والليل
شايل اه ..
عله باب الزمن كاتب حبيبي
اهواه ..
اموت ولا تظني انساه ..
سوالف ليل
وهم تخلص وارد انساه
ابد للموت ما انساه
لان ساكن وسط روحي
حبيبي هنا ..
حبيبي هنا ..
ماجد الشاعر
21/ 5 / 2009