اخذ مكتوبي لليفهم وعن بيه
وخل يقراه محبوبي وعن بيه
يجيني الليل مانامه وعن بيه
ونهاري اكظيه بالونه الخفيه
.................................................. ...................
يظل عمره خساره الماشمنك
وانا النار بدليلي وماشمــــــنك
حبيبي العمر مني وماشمنك
دخلي الباقي نكظيهن سويه
.......................................
الك صندوك كلبي وانت لحمه
وانت عظام صدري وانت لحمه /رداً على بيت
وانت القفل بيك وانت لحــــمه /الشاعر الكبير
وتقفله عليك ياحــــلو وعلـــــيه /نائل المظفر
........................................... /اكوم اجلالا لحسنك وقفلك..تحياتي لشاعرنا الكبير نائل
.................................................. ....................
وحك من سير نجومه ولفلاك
اظل بعهدي وياك ولفــــــــلاك
الف حسره الجرت منك ولفلاك
والف حسبه الثواني تمر عليه

:66 (46):شاعر دجله:66 (46):

عاشت ايدك عزيزي
ابوذيات جميلة
دام لنا هذا التألق والإبداع
وشكرا لك عزيزي وبانتظار جديدك

صح لسانك اخي شاعر دجله
دمت ودام قلمك الرائع
ولك مني ارق التحايا