أبجدحت أعيون الولي مرحب فها وصك صك
وبيبان نار الوغى حبه لهن صك صك
يفور وادي صقر ولجله ثلج صك صك

وبيبان جنت عدن حبه لهن فك فك
وجم اسير النخه وجاهك اله فك فك
الاصنام متلايمت سيفك لهن فك فك

من حيث زين الزلم منشوفتك صفصف
الفرسان توكف سره من خزرتك صفصف
وصفوف اهل العلم مديونه الك صفصف

من حيث لن انته بيرغ شرف بس للكرم رفرف
وشارب شهامت علي بس غيرتن رفرف
التاريخ دنك الك يشهد الك رفرف

لدموع الايتام ياجف انتخه وكفكف
وهد على اجفوف الكفر ردهن نكس كفكف
من دمغ كصت الظلموبوجه صرخ كفكف

لوما السقيفه زنت ماصار ابد طفطف
وبير السقيفه غدر بس بالحقد طفطف
احتركت وصاحت علي وجفه لها طفطف

جل الريح صولت علي اتهب عاتيه وصرصر
وغيره يدور الحفر والظلمه جن صرصر
طلك الدنيه شلع لا لملم وصرصر

أنته الشرف والفخر والغانمه ول ول
وسيفك تمغط غضب ماوانه لو ول ول
الما يوالي علي كله النبي ول ول

بس اليوالي علي كله النبي هل هل
وهلال عيد الفرح كبل الوكت هل هل
وجم ملك بالسمه من الفرح هل هل

أتصير شفاعت علي ناخذه جن صك صك

هذا الزهيري للشاعر المبدع سعدمحمد الحسن

صح لسان الشاعر المبدع
سعد محمد الحسن
وعاشت ايدك على الاختيار الرائع
ولك مني ارق التحايا

ازهيري رائع عاشت الايادي
تحيه لك وللشاعر سعد محمد الحسن
تقبل تحياتي

صح السانك ولسان الشاعرسعد محمد الحسن
اخويه العزيز المتنبي عاشت ايدك زهيري رائع

تقبل تحياتي واشواقي

حلو وفعلا غير تقليدي اتمنالك كل التوفيق واحسنت الاختيار

الله الله الله
يـــــــــامــــبـــــــدع
صح لسانك وسلمت أناملك
والله من لم يوالي ولم يؤمن
بولايتهم فقد كفر ومن أحبهم
وسار في خطاهم حشر معهم
وهنيأن لمن كان معهم
جعلك الله من الناصرين لهم
بحق محمد واله الطيبين

عاشت ايدك يالمتنبي على هذا الإختيار الرائع
وصح لسان الشاعر سعد محمد على هذه الكلمات الجميلة
دام لنا هذا الإبداع والتميز
ولك كل الشكر والتقدير
تحياتي عزيزي

واله اخويه مو بس رائع واكثر من الروعة00
بس المشكله الصر صر00
تدري من وصلت لهذا الشطر كمت اتلفت وراي
خفت لا اكو صرصرة00
ههههههههههههه مشكور يا طيب00بانتظار جديدك