الظلم يعراك مستفحل وشعبيك
شكثر متخلبصه تخلبص وشعبيك
شعوب الدول تتقدم وشعبك
كل ماله يرد للجاهليه



ما من طب يداوي الجرح طب طب
ولا واحد علينه بلطف طبطب
كضينه العمر حرب بحرب طب طب
لعابة طفل عدنه البندقيه



غشيم انه يوكتي صاحبيتك
ويكلبي المابكالي صاحي بيه تك
اخوي الكتله ايدك صاح باتك
غلبته يصيح للشمتان بيه



بجيت عيوني عالراحو وهدبي
واعرفه كليبي مايهده واهدبيه
الحسبته سلاح بالشده وهدبيه
هدو بيه عدواني عليه



من مهدي الحزن وياي طابك
وعلى كلبي بناله اثنعش طابك
فرش جفه وخبزني خبز طابك
واشوف اكالتي التمو عليه

منقول

عاشت الايادي اخي طالب
شكرا على هذه الابوذيات الرائعة
وتقبل تحياتي

ابوذيات رائعه عاشت الايادي
ننتظر منك المزيد يا رائع

تقبل تحياتي وتقديري

صح لسانك عزيزي
ابوذيات رائعة
دمت ودام لنا هذا التذوق في الإختيار
تحياتي لك يالعراقي