أحلى مابيك ومن صفاتك وصلك

أروح وياك للشمس لو تريد أوصلك

ولو تصير بأخر العالم على رموشي زحف أوصللك

ميت وبشوفتك ترد الروح بيه ........
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــ
يلي طعم شفاك أحلى من السكر

وكلبي من محبتك ذاب وسكر

وعقلي ظل بس ألك ولغيرك سكر

مجنون وبشوفتك يرد عقلي أليه




حلوه وبلحچي ياناس عطره
وماعون الصديق النذل عطره
المعمم صار ريحت كاز عطره
اريد اجدح واخاف يكب عليه




مشوا عني شلي بروحي بعدهم

وكت كل غايته عني بعدهم

عيد المايحط جفه بعدهم

حرام انجان يهنه العيد اليه




يا من بالقلب والروح حليت
زرعت مر الصبر وهواي حليت
جم مشكلة جبيرة يا ولفي حليت
وهواك المسألة الصعبت علية



انا المامش اسم عندي ولا دور
واريد اوكف انا الوكتي ولا دور
بعد لا دار ينفع عندي ولا دور
اعلمة وبنكلب عكرب علية



احب جفنك واحب عينك ورمشاك
واظل طول العمر امشي ورة مشاك
اذا تكطع مراسيلك ورمشاك
وينك يا حلو بس رد علية



اكتب شما ردت تكتب و ردلك
أزعل وابتعد عنك و ردلك
بساتين بوسط قلبي ووردلك
وشما تبعد تظل غالي علية



مفارك واليالي سنين مرن
وعلي صاير لذيذ الزاد مُرن
طفر قلبي ع النقال من رن
حسبت العزيز يدق علية


منقول

عاشت ايدك عيوني
وسلم لنا هذا الإحساس الجميل
ابوذيات راائعة كروعة كاتبها
شكرا لك ولتذوقك الراقي
تحياتي لك وودي

يسلملي هذا المرور العطر دمتي بالف خير

رد الى الخ الزير سالم

______________________________________
________________________________________-

سهول الناس عندي وانته راسي
سفن غركن ابحري وانته راسي
صديقي انته واخوي وتاج راسي
واعز منك ترة ماكو عليه

تحياتي االك على ابو ذيات الجميله

ودمت لنا في تقديم مواضيعك

تقبل ردودي

مع تحياتي

حلوه وبلحچي ياناس عطره
وماعون الصديق النذل عطره
المعمم صار ريحت كاز عطره
اريد اجدح واخاف يكب عليه

تسلم يلزير وتحياتي يلغالي
تقبل مروري

الف شكر الكم عيوني على المرور الكريم

تقبلوا تحياتي جميعا