لكل مغترب لكل مسافر هذه الكلمات




إللي إمضيٌع ذهب
كاظم إسماعيل الكَاطع
بالغربه شِفتْ التَعب وإتعلٌمت معناه
وإتعلٌمت عالسهر .. والسكته .. والصفناه
ذلٌيت ذلْ النهر من ينكَطع مجراه
وإعرفت كل شي إعرفت
حتىٌ النخل ينحني الريح السفر من يجي
وجايب غريب إوياه
ألله !! يا هالوطن شمسٌوي بيٌه ألله
نيرانه مثل الثلج
كلما تدكَ عالضلع
أبرد وكَول إشٌاه
إللٌي إمضيٌع ذهب!!
بسوكَ الذهب يلكَــــــاه
وإللي مفاركَ محب ...
يمكن سنه وينســــــاه
.. والطاح منٌه الكَلب
قلب إصطناعي إنلكًه ويشكٌلونه إهنـــاه
بس إل مضيٌع وطــــــــــــــن
وين الوطن يلكَـــــــاه ؟ ؟ ؟
* * *
آه ياوطن يا خبز يالشارتك تكتل !!
آه يا وطن يا طفل .. هِنياله منْ صاغ إلك نبض الكَلب جنجل !!
يا وطن .. زٌفة كَمر
ياعراق زَفة كَمر
ونجوم إله إتهلهلْ !!
عذبٌني ما عذبٌك ..
إكتلتني ما أكتلك ..
طبع اليحب ينكتل موش اليحب يكتل
***
آه يا وطن يا جَذِر !!
والجذر هم بيه طبع ..
لو مات من العطش للوادي ماينزل !!
علٌمني إل فراق
أعزف لحن غربتي إبقيثارة أشواقْ
أسهر \ وحن\ وأنفعل
وأتمنىٌ واشتاق
مامش مثل ديرتي
لو نمشي طول العمر !!!




مانلكًه مثل إعراقنا إعراق



http://www.21za.com/pic/salam_kalam010_files/142.gif

أعزف لحن غربتي إبقيثارة أشواقْ
أسهر \ وحن\ وأنفعل
وأتمنىٌ واشتاق
مامش مثل ديرتي
لو نمشي طول العمر !!!
مانلكًه مثل إعراقنا إعراق

الله يــاهالــوطـن شمســوي بيــه الله
عزيزتي رنــا
الف تحية والف شكر لنقلك هذه الرائعة
قصيدة تزلزل دواخلنا -- ولطالما قرءتها مرارا في السابق
ولم ارتوي
تحياتي الخاصة لشاعرنا الرائع كاظم اسماعيل كاطع
ولإحساسه الي يتخلل كل كلمة
دمتي لنا غاليتي
ولاحرمنا تميزك
تحياتي لك

تسلمين اختي ام فيصل



http://abeermahmoud2006.jeeran.com/534-Wellcome.gif

تسلم دياتك اختي رنا

روووووعة الاهداء ،، كلمات معبرة ومن القلب

كلك زووووووء

ويارب كل مغترب يرجع للحضن الدافي بلدو

شكرا كتير الك

ودي وورودي

الله على هذه القصيده وصح لسان كاظم اسماعيل

وسلمت يداك لهذا النقل المميز


دمتي بالف خير عزيزتي