أجمل محطة

اذا ماحبچ انتي ..
اشلون احب الناس ..؟؟
يا أول غرام بصغري .. وبكبري
وإذا ماشوفچ انتي ..
اشلون اشوف الناس ...؟؟
وآنه ابغير شوفچ بي قصر نظري !!
حبيتچ سهر ..
وايامي غابة ليل ..
وبس وياچ اسهر
يابعد عمري
اذا مو ألچ اكتب ..
ما احس بالشوگ ..
وآنه العله مودچ .. اكتب ابشعري
جربتچ اهواي ..
وشفتچ اوفى الناس ..
يا أول حبيبة اتحملت قهري
أسأليني ...
ابحياتي اشگد تمر نسوان ؟؟
ليش انتي الوحيدة ..
الباقية ابفكري ..؟؟
وأسأليني ..
ابحياتي اشبيها من اهموم
ليش آنه منشوفچ ..
يطفه كل جمري ..؟؟
يا أجمل محطة ..
البيها گلبي ارتاح
يانهر الحنان .. وبالگلب يجري ...
تغفه أعيون ياما ..
وياما ، نامت ناس
وآنه ويه الاشواگ .. وملتهي ابسهري
اقرب من اشوفچ ..
واحترك مرات ..
احس من بعيدة ..
ويختنگ صدري
ويمر طيفچ هوى ..
واحتار اشمه امنين
وشكو احلى يعمري
من الهوى العذري ؟؟
وتسأليني احبچ ....؟؟؟
اي نعم والله
بس ليش آنه احبچ ... ؟
صدگي ما ادري ..!!

(( منقـــــــــــــــــول ))

مااعذب هذه الكلمات
وكااجملها حين تتغنى بالحب الدافئ والنقي
نارتو
ذواق انت باختيار اجمل الكلمات
شكرا لك عزيزي
ودام لنا عطاؤك

شكراعلى كلمات نارتو تسلم يلغالي

كلمات روعة في الاداء 00ولو انها منقولة
الا انه اختيار جميل وعبر 00شكرا"لانك امتعتنا بسماعها00اخونا نارتو