علي الغنيمه
29-04-2009, 06:08 PM
شمس المواصل غفت مابين ليلي وغم
وبجفه وكتي لطم بالراح صفك وغم
لملم عليه الحزن جالغيم هم وغم
*****
من يومي وآنه القهرصاغ ابجيني وسم
وبكاس دهري ضكت زرنيخ ضيمي وسم
خوان جانو الي وكت النفاهه وسم
*****
مثل المجدر صرت مايمي يوصل نفر
والجنت اظنه وفي بساعة الشدة نفر
بالباب مية قفل وشلون نكدر نفر؟؟
*****
جم آه بيه الكلب والعين تشجي بلم
نهران صار الحزن والروح بيهه بلم
طشار طشني الوكت وعيون مامش بلم
*****
بالحيف مر العمر حد اربعينه وصل
والشيب لاح الكلب كطع شبابي وصل
بضلوعي سهم الغدر والجرح ياذي وصل
*****
عالراح اون ابقهر واصفك عليه راحتي
مكتوب ضيمي علي ماشوف ابد راحتي
جنت آنه بيدي الطحن دارت علي راحتي
وتاليتي طوبه اصبحت
مابين حارس ** وغم
*******************************
وبجفه وكتي لطم بالراح صفك وغم
لملم عليه الحزن جالغيم هم وغم
*****
من يومي وآنه القهرصاغ ابجيني وسم
وبكاس دهري ضكت زرنيخ ضيمي وسم
خوان جانو الي وكت النفاهه وسم
*****
مثل المجدر صرت مايمي يوصل نفر
والجنت اظنه وفي بساعة الشدة نفر
بالباب مية قفل وشلون نكدر نفر؟؟
*****
جم آه بيه الكلب والعين تشجي بلم
نهران صار الحزن والروح بيهه بلم
طشار طشني الوكت وعيون مامش بلم
*****
بالحيف مر العمر حد اربعينه وصل
والشيب لاح الكلب كطع شبابي وصل
بضلوعي سهم الغدر والجرح ياذي وصل
*****
عالراح اون ابقهر واصفك عليه راحتي
مكتوب ضيمي علي ماشوف ابد راحتي
جنت آنه بيدي الطحن دارت علي راحتي
وتاليتي طوبه اصبحت
مابين حارس ** وغم
*******************************