سلام عليكم ياجماعة الخير اليوم جبتلكم اكله تبسي البتيتة و هي كالاتي
راح تحتاجون
بتيتة شي خمس بتيتات و لحم مفروم و بصل و زبد ربع قالب و بقسمات و ملح و فلفل اسود
طبعا تسلكون البتيتة و تهرسوها بحيث تصير عجينه و تحطولها الملح و الفلفل الاسود و تضلون تعجنون لحدنا تتساوه الملح يتوزع على كل العجينه هو و اللفلفل زين هسه خلو مسحه دهن للتبسي اللي راح تسوون بيه الاكله و رشو بقسمات و بعدين مدوا نص عجينتكم مال البتيتة بالقالب بحيت تغطي قعر القالب و هسه انتو لازم تكونون محضرين الحشوة و اللي هي عبارة عن لحم محموس و بصل و بهارات و ملح و تخلون الحشوة فوك العجية الماديها بالقالب و بعدين تغطوها بالنص الثاني من العينة و طبعا هاي لو تحاولون تمدوها و بعدين تفرشوها ع القالب لو تخاذون قطعة قطعة و تفكوها و تحطوها و تلزكون بصفها اللخ لحدما تغطووووووووووووه كللللللللللله زين هسه لازم بيضة مخفوقة وياها همين فلفل اسود و ملح و تصبوها فوك القالب و حطوها بالفرن لحدما يتحمر الوجة و طلعوها و قطعوها و اكلوها بالف عافية
ها اهم شي تكولولي رأيكم بيها بعد الاكل

ههههههه مبينة خوش اكلة انا عرفت كل شي بس شنو مخفوقة ؟ يعني شلون يخفقون البيضه

ولك خالص التحية وارجو عدم الزعل من كلماتي ارقى التحية

يسلموووووووووووووووووووووو عالطبخه الشهيه
بصراوي ليش تخبث اكو احد ميعرف يخفق بيضه جيب جطل and mix it

بصراوي اخوية الف هلا بيك و ماكو زعل بين الاخوة و احنه هنا انشاءالله اخوة هسه اعلمك شلون يخفقون البيضة سهلة ماينرادلها شي يعني هسه انت توقفت شغلتك على خفقت البيضة هههههههههههه شوف عيني جيب مكسر هسه يكولي شنو يعني مكسر , مكسر يعني مضرب يعني خلاط زين و خلي مالتها الريشتين هاي اللي تخلط الاشياء و بعدين وصل البلك بالكهرباء و دوس الدكمة مال المكينة و خلي الريشتين بالبيضة ها و تكون البيضة كاسرها بكاسة و شوية تكون عميقة حتى لا يطفر عليك و خلال عملية الخفق حاول تضيف الملح و الفلفل الاسود تعرفهم لو ماتعرفهم ؟؟؟؟؟؟؟؟ هههههههههههههههههه ديله هسه دجربها مو بس خليتني اتعب و اكتب عل الفاضي و كولي رأيك بيها زييييييييين

عزيزتي سومة فعلا هاي الاكلة طيبة و سهله و الف عافية على الجربها و على القراها همين