خسرت روحي
ولاهمني الخسرته ولاكلت خسران
ولاهمني العمر من خالف السجه
ومشه ابعكس المسير وضيع النيشان
ولاهميت لجدام المذله المرغلت راسي
وصفه احجايه اعله كل السان
ولاذلني الحديد السنسل اذراعي
وحبس روحي وقفل البيبان
ولاني توجعت من ضربة الجلاد
وارتج الكلب من شوفة السجان
ولاغثني الضباب وتيه اعيوني
ولا كلبي انمرد من كثرة الدخان
علمني الوكت مهما غلط وياي
اتحمل ولاجن وكتي غلطان
وعلمني الوكت
يوم الاطيح ابضيج
ماأرجه اليوافي ويذكر الاحسان
وطبعني العذاب شما يضك الروح
اصبر وانتخي بللي انذبح عطشان
ماهمني الخذل ظني ومثل
بيعة غشيم ايبيعني العدوان
وشكد بالعمر دكات للانذال ؟؟
والهن جم جرح وشبيهن احزان
كل يوم ايتلون حزني ويذب لون
وهموم الليالي اتكسر الميزان
بشطوط الملامه امكيش الدلال
والسان العواذل هدم البنيان
ولا نزلت دمعتي ولاعشت مهظوم
وكضيت العمر متغاوي بالحرمان
ولاهمني الفشل وشما عمل بالروح
وبعين الشماته ابصورة الربحان
ياجرح الاخيطه وياجرح ينعاف
محتار بجروحي وحيلي تعبان
ماهمني العدو واتحمل الكلفات
ولعين الشدايد آنه عنوان
بس همني ؟؟؟؟
الاخو لو سحب مني الايد
وتكتر ولاجن جنه خوان !!!!
وفراك العزيز الصار عني ابعيد
وبدونه ذليل وعودي ذبلان
ارد ابجي الفراك وجور وكتي اوياي
وبكد ماصبرت ارد انفجر بركان
اتلاوه اويه ظني وبيش اهيد البال ؟؟
والروح اعله ساعه ايجيسهه الشيطان
جبت عمري خساره وممتحن بجروح
لاكفن نزف لالاحهن نسيان
ضكت علكم فشلتي ومابلعت الريك
ولاجزن اسنوني وجنه رمان ؟؟
هاك اسمع حبيبي !!
جلمه من خسران
ضاع اللي بنيته وهدمن الاركان
ضاع اللي بنيته وهدمن الاركان

الله الله الله
عاشت ايدك اخي العزيز
قصيدة جدا جميله
استمر فنحن لك متابعون

تحياتي

العراقي

بحار من الحزن والألم والإنكسار غطت الكلمات
واجتياح من اليأس لامس السطور
من منــا ماصادق الهم ضلوعه ؟؟
ابو حسين
عهدي بك اقوى من عقبات الأيام
فلا تجعل العقبات تهــزم الأقوياء
احسنت على هذه القصيدة الجميلة بكل احساسها المؤلم
وتحياتي لك

الله الله الله
عاشت ايدك اخي العزيز
قصيدة جدا جميله
استمر فنحن لك متابعون

تحياتي

العراقي

شكرا لمرورك اخي مصطفى ويارب يسلمك ويحميك وممنووون

بحار من الحزن والألم والإنكسار غطت الكلمات

واجتياح من اليأس لامس السطور
من منــا ماصادق الهم ضلوعه ؟؟
ابو حسين
عهدي بك اقوى من عقبات الأيام
فلا تجعل العقبات تهــزم الأقوياء
احسنت على هذه القصيدة الجميلة بكل احساسها المؤلم

وتحياتي لك


لاتهزم الاقوياء العقبات لكنها تطفيء وميض النفس ياسيدتي ومن انكسرت نفسه ضاقت به الوسيعه شكرالك مواساتك وممنون منك