لاتودعنه وتهاجر من جديـــــد ** وانت تدري اوداعكم ياذيـنه
احنه من دم ولحم مومن حديد** واحنه لوعات الوكت تكفـــينه
*****************
يالتريد اتعوفنه ابّْيــــــدة هواك ** بين وحشه ولــــيل بيــــن اذيابـــك
خلي شمعك عاد نتسله ابضواك** من يجن ليل الحـــــزن بمصابــــك
مادريت اشسوت اهمومك وراك **مادريــــت اشخلــــــــّـفت بغيابـــــك
صرت افز مرعوب وانـْده وكْ شجاك**صرت احشـّـم صرت اشم بثيابك
مدري حظي اتشربك ابنوجة هواك **مدري صرتي اندفت ابحد بابك
مدري شيطان العشگ عمداً رماك**مدري رهمت طينتي اعله اترابك
هاك اخذها وياك من كونك تريد ** تمشــــي عنها الچلـّـبت برچابـــك
دلتفت شمّات تضحك من بعيد ** وانت تدري اعله الضحك مابيـــــنه
*****************
خل اودعك عاد من كونك نويـــــــــت **تهجر الجفن الطفح خنـــــــيابه
وارد احط صدري اعله صدرك يالنسيت**تطفي ناري الكل وكت لهـّابه
موچنت غافي ولجل عينك صحيت** وانتفـــــض گلبي ونكر سردابـــه
وانه ذاك الماعثر جدمي وهويت** وانه ذاك النـــــام ليــــــله ابغابـــــه
صبّحت مشدوه حاير من هويت**والدليل اصـــــــبح يضـــمد اصوابــه
ياعمر ضاع ابدمعتك من بچيت** مادريــــــت ابدمــــــعتك چـذابـــــــه
نزفت ايامه ونشف دم الوريد**والسنــــــين انــــــدفت ابمــــــحرابـــه
وانت مثل اليمشي بجنازة وحيد**يضـــــحك ابگلبه ودمعــته ابعـــينه
*******************


لايجوز شرعا وقانونا التصرف باشعاري او نقلها الى منتديات اخرى
سعد الياسري

سيدي العزيز.
رقه وروعه وعذوبه والله وماتستاهل الصار
بيك لكن هذه ضريبة الغرام .كله حلو .تقبل
مروري........احترامي


توفيـــــــــــــق

الليالي هادئة الا من صوت العشق الذي يحرقك
سيدي -- هنيئا لها هذا البوح -- وهذا الهمس
اسعدني ان اتجول بين احرفك
لأتعلم اسرار هذا العشق الذي يختلج في صدرك
ابو أمير --- ابدعت كما هي عادتك
ستبقى منهلا نستقي منك اعذب الكلمات
كــن بخير دائما
وتقبل ثرثرة قلمي التي زاحمت حروفك