أخنك شوغتي بجفوف الدمــــــوع
وشحد الشماته تشوف شوغاتـــي
وسد حلك الجرح بم المعانــــــــات
زغيره اظل امامج كل معاناتــــــــي
عالي جبل مجدج ماتجهبه العـــين
لوامشي العمر ماتدنه خطواتـــــي
الج بس الج خير النساء تلـــــــــوك
ويوم الحشر كلها تصيح مولاتــــــي
ال مثلج كل عراقي اليوم محتــــاج
وتدرين بشعبنه خنكته المحنــــــــه
جان الحبل يلتف يكطع الصـــــــوت
اذا بسم الحسين بيوم صحنـــــــــه
وصار اليوم اشد وانتي ادره بالحال
انصارج ذبحها خنجر الفتنــــــــــــــه
يكولون نذبح سني ورافضي الذباح
ونكول الطاح شيعي ذبحته السنه
يوشالة صبرنه خايف اتطيــــــــــــح
واذا طاحت تنوش الواد وتسعيـــن
يم الحسن كلنه الصبرج بعـــــــــوز
زيدينه صبر يم المساكيــــــــــــــــن
علمينه الشهاده شلون تنقــــــاس
علمينه شوكت ندمي الشراييـــــن
انتي الوالده والحب والاشــــــواك
وانتي المنبع الكل العناوييــــــــــن
علمتي العقيله تصبر شلــــــــــون
بالغيره تنشف دمعة العيـــــــــــــن
وعلمتي الحسن شلون فتده الدين
وخلدتي الطفوف بنحر الحســـــين
ياراحة علي وياظهره بالشــــــداة
ومن غيرج غسل فقار ابو حســـين
ياجنة نبينا وبضعته ودنــــــــــــياه
لذلك بشرج انتي اول الماشــــــين
رحلتي ولحدج تحف بيه الاسرار
غصه بكل كلب ماينعرف ويــــــــــن
لكن من حديث الهادي شفناه
عرفنه ان الكريم انطانه جنتييـــــن
جنه من نحج نكصدها بسكوت
ولعيون الزجيه جنه يوم الديـــــــــن

**********************


مع بالغ تحياتي لكل الاعضاء......................



توفيـــــــــــــــــــــــــق

اللهم صل على محمد وآل محمد
السلام عليك ايتها الحورية الإنسية
السلام عليك يا مكسورة الضلع
السلام عليك ياحليلة الوصي

عطر الله انفاسك عزيزي توفيق
على هذه المفردات الرائعة بحق الزهراء
قصيدة توسل رائعة
دام لنا نبضك الفياض
ولاحرمنا ها الإبداع
كل الشكر لك عزيزي

اشكر مرورك ويارب يوفقكم وايانا في خدمة
آل بيت المصطفى........احترامي



توفيــــــــــــــــق

قصيده جميله جدا تحياتي لك يارائع وموفق انشاءالله جعلها الله في ميزان حسناتك

سيدي العزيز.اشكر مرورك الاول على كتاباتي
واتمنى ان لايكون الاخير.وياربي الشفاعـــــــه
بحق جدتك الزهراء(ع)....احترامي


توفيــــــــــــــــــــــــــــق