هله يابعد ابوي أوبعد يــــــــــــــــــــدي
شبكته اوكام جرح الكلب يـــــــــــــدي
أحبه ابيوم ابوي ابضهر يــــــــــــــــــدي
ابحضن امه اوحنانه أيعن عليـــــــــــــــــه
ــــــــــــ
بيت للتفسير
خشف طارده ألعزعز بها يوز
مثل ريم البه الركبه بها يوز
شبكته اوصاح دليني بها يوز
لزمته اوماع شو جنه بديه
ـــــــــــ
يهل تنشد على حالي بعده
نحيله اوذاب دلالي بعده
تراهي املوعه اوتندب بعده
تصيح أدخيل ياحامي الحميه
ــــــــــ
عفه روحي المصايبه بهاون
من مثلي حمل ضيمه بهاون
صرت كهوه اوتدك حالي بهاون
أصيح الغوث من ناره سريه

عفه روحي المصايبه بهاون
من مثلي حمل ضيمه بهاون
صرت كهوه اوتدك حالي بهاون
أصيح الغوث من ناره سريه


الله الله ابوذيات رائعه عاشت الايادي اخويه العزيز
كلمات في قمة الروعه يامبدع
تقبل تحياتي وتقديري
متابع لجديدك

احسنت شاعر غرام
وعاشت ايدك
ابوذيات جميلة
ومعاني رائعة
شكرا لك --- ولدوام عطاءك
تحياتي لك -- وبانتظار جديدك
دمت بخير

هله يابعد ابوي أوبعد يــــــــــــــــــــدي
شبكته اوكام جرح الكلب يـــــــــــــدي
أحبه ابيوم ابوي ابضهر يــــــــــــــــــدي
ابحضن امه اوحنانه أيعن عليـــــــــــــــــه

ابوذيات رائعه
عاشت الايادي
ننتظر المزيد يبعد جبدي
مودتي

تسلم وعاشت ايدك
ننتظر المزيد