ذابل والكلب بي كثرن الطعنات
يالجايب رمح جا وين اخليك
مردني الليالي وضيم يعصر ضيم
على ياضيم اكلك من احاجيك
وشالكالك عذر لوردت ابريك ؟؟
ماابريك
بالروح الجرح كلي اشيداوي الروح
وصوابك ثجيل وبيش اداويك
عن ياجرح تنشد كلي عن ياضيم
ياهم اشتكيلك مايبجيك
بيدك من طحت جبت السجاجين
وعيوني اليتامه اتوسلن بيك
لافاد الرجه لانوحي فاد اوياك
لاردك حنين ولادمع يرضيك
ماأبريك
يانكبة حياتي وجنت اظنك فوز
يالبعت ابرخص وآنه ابغله مشريك
يجي يوم انتحاسب وارد اكلك هاك
من نار الجوتني اشتظن ؟ شينجيك ؟
جربت الاطباع الحلوه كلهه اوياك
واطباع العمر ماكدرت اتحليك
من علكم اطباعك ضوكتني الضيم
وبضيمك دستني وماكلتلي اشبيك
ماأبريك
لحلوك الشماته انته صفيت السان
خلفت البواجي وكامت اتسليك
يالذابح ضحكتي اشتظن ماالكاك ؟
وعيوني فشك لاتعتقد تخطيك
من يوم الطحت بانن اذنوب اهواي
على ياذنب اعذرك من الاكيك
شفت منك الضيم وماكدرت انساك
وذنوبك عمني اشلون كلي ابريك
ماأبريك

توقيع علي الغنيمه (http://www.sadiq-des.co.cc@ كلمة ممنوعة @@ كلمة ممنوعة @@ كلمة ممنوعة @/u83.html)
مثل حال الورد

بارك الله بيك اخي العزيز قصيدة رائعة سلمت يداك يامبدع
تقبل تحياتي وتقديري

الله عليك ياعلي قصيده اطربتني
وفراتها اكثر من مره
شكرا لك ولابداعك مع تقديري

ماأبريك
يانكبة حياتي وجنت اظنك فوز
يالبعت ابرخص وآنه ابغله مشريك
يجي يوم انتحاسب وارد اكلك هاك
من نار الجوتني اشتظن ؟ شينجيك ؟
جربت الاطباع الحلوه كلهه اوياك
واطباع العمر ماكدرت اتحليك
من علكم اطباعك ضوكتني الضيم
وبضيمك دستني وماكلتلي اشبيك

احسنت وصح لسانك يبو حسين
قصيدة حزينه
ألم وعتاب
آهات وشجن وخيبة امل
دونت فابدعت
هنيئا لنا قلمك الرائع --- تحياتي لك