(لان شفتك عسل)

عيونك هنة ذني سهام مو غلطان

من يرمن يصوبن ميه بالميه

والحاجب مقوس چن هلال العيد

يعني العيد أنت وأحلى عيديه

ما ادري من أشوفك ارتكب ياراي

مأخذ عقلي أنت الرأي ولريه

وإذا عيني بعيونك بيك أشوف الناس

نبضي أنت أصبحت وتعلگه ست ميه

ولان شفتك عسل وأنت أصفى منه اهواي

داويني بشفافك كون يوميه

ولان انه الطبيب وما لگيت ادواي

صرت أنت التداوي اجروحك البيه

وأحط شفتي أعله شفتك وأحس روحي أتذوب

چن فص الثلج من ذاب بالميه

يعني أحيا من أشوفك وأنت ليه النور

تعال ابضلمتي ونورهه ليليه

أحلى من ألگمر والگمر منك غار

أغار أعليك مني ومنك شويه

صافي أنت بجمالك وصفى من العين

چن شذره عقيقه حليوه بأيديه

اضل اتاملك صابر انه اچم دوب

وينك مو ذبت ماضل صبر بيه

واذا ترجع نذر گدام هاي الناس

على الميمر لجوب أحلى جوبيه



الشاعر

سلام الدراجي

شكرا اخي العزيز سلام الدراجي العسل
على الكلمات الرائعة و المميزة
عاشت الايادي ياورد
سلمت يداك على الكلمات المليئة بالاحساس الجميل
وتحياتي
http://up.foraten.net/uploads/64d7738e18.gif (http://up.foraten.net)

شكرا لك الدراجي للقصيده الرائعه ودمت
تقديري لك

الله عليك وعلى هالغزل الجميل استاذي
قصيدة راائعة
احساس اروع
مفردات كل واحده بقصيدة
احسنت -- وعاشت ايدك عزيزي
دمت بخير دوما --- ولاتحرمنا هذا الجمال ارجوك
تحياتي لك

وعاشت ايدك انت ايضا يااسد العراق لردك الرائع الذي اسعدني بمرورك الجميل تحيه الك من الصميم

الاخ العزيز سلام الدراجي تحيه قلبية
قصيدة رائعة وتحمل الكثير من المعاني الجميلة دمت ودام نبض قلمك الرائع

تقبل تحياتي وتقديري

الله
احساس جميل
احسنت عم ابو حيدر
واجدت
تحياتي لك...

اسامه الشاعر شكرا للمرورك العطر تحيه لك من القلب

اتمنى الصبر ايطول وياك ليزيدك تالق وحلاوة
تسلم على هالاحساس المرهف..احترامي



توفيــــــــــــــــق

ام فيصل العزيزه مرورك له طعم خاص بالنسبه لي تحيه لكي اختي الغاليه وبارك الله بك

اخي العزيز محمد مرورك له طعم خاص طرز صفحتي بحروف من ذهب شكرا لك اخي ابو جاسم الورده

ابنتي وفاء اسعدني مرورك تحيه لكي من القلب بارك الله بك دمتي بخير

اخي توفيق ويسلم احساسك ايضا ويسلملي هالمرور الرائع شكرا لك